"Хүнсний хангамж, аюулгүй байдал- Хүнс үйлдвэрлэл"үндэсний зөвлөгөөн Төрийн ордонд эхэллээ. Энэ үеэр УИХ-ын гишүүн Я.Содбаатар мээдээл өглөө.

Тэрбээр "Ирэх таван жилийн хугацаанд дотоодын хэрэгцээг 19-н нэр төрлийн бүтээгдэхүүнээр хангадаг больё гэсэн зорилт дэвшүүлж байна. Энэ хүрээнд УИХ Үндэсний аюулгүй байдлын зөвлөлийг хуралдуулсан. Хүнсний аюулгүй байдлын зөвлөлөөс холбогдох байгууллагууд руу зөвлөмж хүргүүлсэн.  Мөн УИХ хүнсний хангамж, аюулгүй байдлын арга хэмжээний тогтоолын төслийг хэлэлцүүлж байна. ХХААХҮЯ, ерөнхийлөгчийн тамгын газар хамтарч сүүлийн гурав, дөрвөн сар ажилласан. Энэ чиглэлийн салбарын мэргэжилтнүүдийн судалсан тооцоо судалгаа байсан. Эд нарийг нэгтгэж үзээд хэд хэдэн үндэсний чуулган хийхээр төлөвлөсөн. Үүний нэг нь өнөөдөр болж буй “"Хүнсний хангамж, аюулгүй байдал- Хүнс үйлдвэрлэл"үндэсний зөвлөгөөн юм. 

Монгол улсад дотоодын хүнсний хангамжийг хангахийн тулд нэн яаралтай 55 мянган тоннын багтаамжтай зоорь хэрэгтэй гэсэн тооцоо гарсан. Энэхүү зоорийг барих тооцоо, төсөв мөнгийг энэ удаагийн тогтоолын төсөлд өргөн барьсан. 

Өөрөөр хэлбэл, хүнсний 19 нэр төрлийн бүтээгдэхүүниийг дотооддоо үйлдвэрлэхэд 17 тэрбум төгрөг төсөвлөсөн. Зоорь барьсанаар жилийн дөрвөн улиралд хүнсээ дотоодоосоо хангах боломж бүрдэнэ. Мөн баялаг бүтээгчид, хувийн хэвшлийнхэн төртэйгөө хамтарч ажиллах шаардлагатай байна” гэв. 

Д.Батчулуун