"Эрдэнэс Монгол" ХХК-ийн талаар УУХҮ-ийн сайд Г.Ёндон мэдээлэл өглөө. Тэрбээр  "Үндэсний баялгийн тухай хуулийг УУХҮЯ-аас өргөн барьсан. Үүнийг УИХ-аар хэлэлцүүлэхээр боллоо. Энэ хуульд "Эрдэнэс Монгол" ХХК-ийн үйл ажиллагааг тодорхой оруулсан байгаа. Бүтэц бүрэлдэхүүн, удирдлага, гүйцэтгэх удирдлага, төлөөлөн удирдах зөвлөл, үйл ажиллагааны стратеги чиглэлийг онцгой зааж өгсөн.

“Эрдэнэс Монгол” ХХК бол Үндэсний баялгийн сангийн тухай хуулийн гол хэрэгжүүлэгч концепц болж өгч байгаа. "Эрдэнэс Монгол" үндэсний баялгийн сан болж байгаа гэж ойлгож болно. Өнөөдрийн байдлаар "Эрдэнэс Монгол" ХХК-ийн доор байдаг охин кампаниудын төлөөлөн удирдах зөвлөлийн гишүүд 200 гаруй бүрэлдэхүүнтэй байдаг. Үйл ажиллагааны хувьд, нэг арга хэмжээнд өөр өөр хүмүүс оролцдог, уялдаа холбоо муутай зэрэг сул талтай байдаг.

“Эрдэнэт Монгол” ХХК-ийн бүрэлдэхүүнд "Эрдэнэт" үйлдвэр, "Эрдэнэт Тавантолгой" компаниудыг оруулсан. Тухайлбал, "Эрдэнэт Монгол" ХХК төрийн эзэмшилтэй, уул уурхайн томоохон компаниуд нэгдсэн холдинг компанийн хэлбэртэй болж байна. Компаниудыг дотор нь хоёр бүлэгт хуваасан. Ингэснээр үйл ажиллагааг нэг туузаар удирдаж, туузыг удирдаж байсан 200 гаруй хүн цомхтголд орж, 27 гишүүний бүрэлдэхүүнтэй үйл ажиллагаа явуулж байгаа. Цаашид энэ групп болгосон тузуудын үйл ажиллагаа нэгдсэн байдлаар явна" гэв. 

Д.Батчулуун