УИХ-ын чуулганы үдээс хойших хуралдаан үргэлжилж байна.Тус хуралдаанаар Төрийн албан хаагчийн ёс зүйн тухай хуулийн төсөл болон хамт өргөн мэдүүлсэн хуулийн төслүүдийг хэлэлцэж байна. Энэ үеэр УИХ-ын гишүүн Ц.Цэрэнпунцаг асуулт асууж,үг хэллээ.

Тэрбээр "Төрийн албан хаагчид цалин, хангамж бага байгаа нь үнэ. Үүнээс цаашлаад авилга, хээл хахуулийн хэрэг үүсдэг. Хамгийн том авилгалчид Улаанбаатар хавиар л байгаа. Орон нутгийн албан хаагчид энэ тал дээр харьцангуй бага болов уу гэж хараад байна. Хүнтэй харилцана гэдэг хэцүү ажил. Ямар нэг байдлаар санаатай, санаандгүй үйлдэл гаргахыг үгүйсгэхгүй. Гэтэл үүнд дөрөөлөөд ёс зүйн доголдолтой гэж болохгүй шүү дээ.  Магадгүй тухайн өдөр муухай эхлэхийг үгүйсгэхгүй. Тиймээс тухайн үед нь сэтгэл зүйн зөвөлгөө өгдөг, уян хатан нөхцөлөөр дэмждэг байгаасай, энэ тал дээр арга хэмжээ аваасай гэж хүсэж байна. Төр, иргэний харилцаа эзэн боолын харилцаатай ижил байдаг. Энэ тал дээр анхаараарай" гэв.

Д.Бат-Эрдэнэ