Өчигдөр Чонгжү хотын Нийгмийн халамжийн төв байрны хуримын ордонд солонгос нөхөртэй монгол бүсгүй A-гийн хурим болж өнгөрлөө. А нь нөхөр Кимтэйгээ гэрлээд хоёр жил болж байгаа хэдий ч эдийн засгийн боломжоосоо болж, хуримаа хийж чадаагүй байсан юм байна. Тэд есөн сартай хүүхэдтэй аж. Харин тэдний хуримыг өчигдөр Чонгжү хотын захиргаанаас хийж өгчээ. Хурим хийх газар, хуримын зоог, гэрэл зураг, солонгос үндэсний заншлаар хуримлах ёслол гээд бүх зүйлийг гаргасан байна. Энэ бүхэнд сэтгэл маш их ханамжтай байгаагаа нөхөр Ким нь хэлжээ.
Монгол эхнэр А-гийн төрсөн эгч нь мөн Солонгос нөхөртэй аж. Тиймээс дүүдээ солонгос хүнтэй суухыг санал болгожээ. Чонгжү хот нь сард нэг удаа гадаад эхнэртэй солонгос эрэгтэйчүүдийнхээ хуримыг үнэгүй хийж өгдөг юм байна.
Б.Чимэг
Сэтгэгдэл (16)