УИХ-ын чуулганы нэгдсэн хуралдаанаар Үндэсний баяр наадмын тухай хуулийн шинэчилсэн найруулгын тухай хуулийн хэлэлцүүлгийг хийлээ. Шинэчилсэн найруулгаар хүүхдийн эрх болон хурдан морь уяачийн үүргийг оруулж ирж байгаа талаар дурдлаа. 

Энэ талаар Хууль зүй, дотоод хэргийн яамны Төрийн нарийн бичгийн дарга П.Сайнзориг "Өмнөх хүчин төгөлдөр хуулиараа Хурдан морь унах хүүхдийн нас долоо ба түүнээс дээш насны хүүхэд байсан бол шинэчилсэн найруулгын төсөл дээр найм ба түүнээс дээш насны хүүхэд уралдана гэж хуульчлагдаж байгаа. Мөн зөвхөн баяр наадмын үеэр даатгалын харилцаа үйлчилж байсныг бүтэн жилийн даатгалтай байх, эцэг эхийн зөвшөөрлийг заавал бичгээр авах, даатгалын нөхөн олговроос гадна бусад байдлаар хүүхэд унаж, бэртсэн тохиолдолд эмчилгээний зардлыг уяач, морины эзэн хариуцах заалтыг оруулж өгсөн. Хүүхдийн эрхийг хамгаалах, стандартын хамгаалалтын хувцас, хэрэглэлтэй байх зэрэг нь тодорхой нэмсэн. Өмнөх хуулиар нэг сум, дүүрэг, аймгийн наадамд очихоор бусад аймгийн бөхөө барилдуулдаггүй гэдэг заалт байгаагүй. Үүнийг зохион байгуулж байгаа хүмүүсийн хийдэг зүйлсээс шалтгаалж талцал болоод байгаа. Нөгөө талдаа өндөр цолтой бөхчүүд аймгийн наадам хэсч барилддаг, будилаан үүсгэдэг хоёр талтай байсан. Нутаг үндсээр ялгаварлан гадуурхсан зүйл байхгүй” гэв.

Т.Мөнхжаргал