Өнөөдөр өглөө “Чингис хаан” нисэх онгоцны буудалд хоёр хүн нэгнээ хутгалж гэмтээснээс болж, тус газрыг хамгаалалтад авч, хөл хорио тогтоогоод байсан. Харин одоо хөл хориог цуцлаж, нисэх онгоцны үйл ажиллагаа хэвийн явагдаж байгаа юм.
    Өнөөдөр өглөө “Чингис хаан” нисэх онгоцны буудалд хоёр хүн нэгнээ хутгалж гэмтээснээс болж, тус газрыг хамгаалалтад авч, хөл хорио тогтоогоод байсан. Харин одоо хөл хориог цуцлаж, нисэх онгоцны үйл ажиллагаа хэвийн явагдаж байгаа юм.
    Хэргийн талаар ЦЕГ-ын Хэвлэл мэдээллийн төвийн ажилтан, цагдаагийн ахлах дэслэгч Б.Саруултуяагаас тодруулахад, “Өнөө өглөө 09.20 цагт онгоцноос буусан “Оюутолгой” компанийн ажилтан 52 настай Э хамт ажиллаж байсан 35 настай Э-г онгоцноос буугаад ариун цэврийн өрөө ороход нь араас нь дагаж ороод дөрвөн удаа хутгалсан байна. Тэгээд дараа нь өөрийнхөө зүрхэн тус газар хутгалсан байгаа юм. 52 настай Э гэгч нь 35 настай Э-гийн удирдлага дор ажиллаж байгаад ажлаас халлаа гээд хувийн өс хонзонгийн сэдлээр хутгалсан байна. Одоо хоёулаа ГССҮТ-д хүргэгдэж, одоо хагалгаанд орж байгаа. Тэрээр хэрэг үйлдэхдээ согтууруулах ундаа хэрэглэсэн байсан. Одоогоор хэргийг шалгаж байна” гэв.