Монгол Улсын Засгийн газрын "Шинэ сэргэлтийн бодлого”-ын хүрээнд өнөөдөр Тосонцэнгэл-Улиастай чиглэлийн Загастайн давааны 67 километр хатуу хучилттай автозамыг бүрэн ашиглалтад оруулжээ. Нээлтийн ажиллагаанд Монгол Улсын Ерөнхий сайд Л. Оюун-Эрдэнэ оролцов.

Энэхүү зам ашиглалтад орсоноор Монгол Улс 21 аймгаа нийслэл Улаанбаатар хоттой хатуу хучилттай автозамаар бүрэн холбож дуусч байгаа юм. Мөн 7000 гаруй километр үргэлжилсэн “Мянганы зам” төслийн их бүтээн байгуулалт 21 жилийн дараа ийнхүү амжилттай хэрэгжиж дуусч байна.