Монголын улсын өрийн тухай асуудлаар болон хөгжлийн банктай холбоотой асуудлаар Сангийн сайд Б.Жавхлан мэдээлэл өглөө.

Тэрбээр "Зургаадугаар сарын 30-наар манай улсын зээлжих зэрэглэл буурахгүй гарснаар ирэх арванхоёрдугаар сарын 30-наар балансаа дахин сайжруулах боломж бүрдэж байгаа юм. Ингэснээр дараа жилийн есөн сард гадаад хөрөнгийн зах зээл дээр зохицуулалт хийх боломжтой болно.

Самурай бондод 720 тэрбум төгрөг төлөх учиртай байгаа. Бид Засгийн газрын баталгаатай учраас хөгжлийн банкны чанаргүй зээлүүдийг төлүүлж, банкийг өөрөөр нь төлүүлэх зорилгодоо ойртож байна. Ингээд 500 тэрбум төгрөг төвлөрснөөр энэ өрийг төлөх сан хуримтлагдаж байна. Хуримтлагдсан хэмжээгээрээ Самурай бонд эзэмшиж байгаа хөрөнгө оруулагч нартай хандсан.

Ингэхдээ, Хөгжлийн банканд ийм асуудал гарсан, хөрөнгө оруулагч нар хүсвэл зээлээ хугацаанаас өмнө төлөхөд бэлэн байна гэсэн. Гэтэл тавьсан саналын дагуу манайхыг дуудах нэг ч хөрөнгө оруулагч гарч ирээгүй. Манай засгийн газар, өрийн бичигт хөрөнгө оруулагч нар итгэлтэй байна, дараа жил бүрэн төлөгдөнө гэдэгт бүрэн итгэж байна гэсэн хариу өгсөн. 720 тэрбум төгрөгөөс одоогоор 500-аад тэрбум төгрөг төлөгдөн байна. Дараа жил гэхэд бүрэн хаана. Тиймээс татвар төлөгчдөд санхүүгийн дарамт төсвөөр дамжиж ирэхгүй гэсэн үг. Ийм сайн мэдээтэй байна" гэв. 

Д.Батчулуун