Чингис-Бэрх-Ульхан боомт чиглэлд 318.3 км авто зам тавих ажил эхэлсэн. Энэ үеэр Сангийн сайд Б.Жавхлан мэдээлэл өглөө.

Тэрбээр "Зөвхөн зүүн бүсийн эдийн засаг төдийгүй, Орос-Монгол-Хятадыг дамнасан экспортын ачаанууд явахад гурван улсын эдийн засгийн ач холбогдолтой томоохон төмөр зам болно. Боломж нь 25 сая тонн гэж эхэлж байна. Цаашид зөрлөг, оруулгуудыг нэмснээр энэ тоо нэмэгдэх боломжтой.

Өнөөдөр эхэлж байгаа төр, хувийн хэвшлийн түншлэлийн хэлбэрээр явагдах төмөр замын бүтээн байгуулалтын ажил 3-5 жилийн хугацаанд үргэлжилнэ. Хамгийн гол хүлээлттэй байгаа зүйл бол Хятадын талаас том хүлээлттэй байгаа. Аль хэдийн төмөр зам нь, засмал зам нь ирчихсэн. Далайд гарцгүй манай улсын хувьд далайд хүрэх хамгийн дөт гарц бол энэ. Бид экспорт, импортын цорын ганц гарцтай. Тэр нь бол Замын-Үүд. Саяхан Хангийн төмөр замыг эхлүүлсэн. Энэ жилдээ ашиглалтад орно. Мөн “Бичигт боомт” нээгдчихвэл урагшаа гарах төмөр замын гарц нэгээр нэмэгдэх юм.

Хятадын зүүн хатавч хилийн боомттой эн зэрэгцэж очих томоохон бүтээн байгуулалт болно. Одоо тендер нь зарлагдчихсан. Долоодугаар сарын 8-нд эхэлнэ. Бичигт боомтын бүтээн байгуулалтын ажил хоёр жил хийгдэнэ. Азийн хөгжлийн банкнаас зарлаж хийгдэнэ" гэв. 

Д.Батчулуун