ОХУ-ын Гадаад хэргийн сайд С.Лавров Монгол улсад хийх ажлын айлчлалаа эхлүүллээ.

Тэрбээр "Эрхэмсэг хатагтай сайд, ноёдоо. Юуны өмнө Оросын төлөөлөгчдийг халуун дулаанаар хүлээн авч уулзсанд талархал илэрхийлье. Б.Батцэцэг сайдтай хийсэн яриа хэлэлцээ маш үр дүнтэй болж, харилцаанд найрсаг уур амьсгал болж байна. Манай хоёр улсын хооронд сайн хөршийн харилцаа, хамтын ажиллагаа эрчимтэй хөгжиж байгаа. Орос, Монголын ард түмэн дэлхийн хоёрдугаар дайны он жилүүдэд байгуулсан ялалт, хоёр улсын байлдааны нөхөрлөлийг сайн санаж явдаг. Өнөөдрийн уулзалтаар Монгол улсын тус ялалтад байгуулсан хувь нэмрийг дахин өндрөөр үнэллээ. Хоёр талын болон олон улсын хамтын ажиллагааны олон асуудлаар санал солилцсон. Мөн түүнчлэн Улаанбаатар хотноо 2019 оны есдүгээр сард гарын үсэг зурсан "Найрсаг харилцаа иж бүрэн стратегийн түншлэлийн тухай" хэлэлцээрийн дагуу хоёр талын хамтын ажиллагааг улам илүү өргөжүүлэхэд хоёр тал санал нэгдсэн. Өнгөрсөн оны арванхоёрдугаар сард Монгол улсын ерөнхийлөгч У.Хүрэлсүх айлчлал хийх үеэр хамтын ажиллагааны бүх л тулаар санал солилцсон. Мөн цар тахлын хориг арга хэмжээг бүрэн авсны дараа хоёр талын хамтын ажиллагаа сэргэсэнг онцлон тэмдэглэж байна. Монгол улсын Гадаад харилцааны сайд Б.Батцэцэг сайдын ОХУ-д хийсэн айлчлалын ач холбогдол болон бусад хамтын ажиллагааны арга хэмжээг өндрөөр үнэлсэн. Мөн эрчим хүч, хүмүүнлэг, соёл зэрэг салбарын хамтын ажиллагааны асуудлаар санал солилцлоо. Худалдаа эдийн засаг, шинжлэх ухаан техникийн Орос, Монголын засгийн газар хоорондын комиссын үйл ажиллагаанд идэхтэй дэмжлэг үзүүлэхээр тохиролцсон. Тус комиссын ээлжит хуралдаан энэ жил ОХУ-д болно.

Мөн дэлхий дахины хурцадмал байдлын шалтгааныг нарийн тайлбарлаж, АНУ бол холбоотнуудын зүгээс өөрийн асуудлыг бусдын гараар шийдвэрлэх хүсэлтэй холбоотой асуудлыг нарийн ярилцлаа. Энэ үйл ажиллагааны хамгийн эрсдэлтэй үйл явдал бол сүүлийн олон жилийн хугацаанд Украин улсын ОХУ-ын эсрэг чиглэсэн шинэ нацизмын дэглэмтэй улс болон хувирч, ОХУ-д аюул занал учруулахад оршиж байна. Бидний зүгээс Украинд болж буй үйл явдлыг хэрхэн өрнөж байгаа тухай үнэн бодит мэдээллийг хүсэж байгаа. Харамсалтай нь барууны орнуудын зүгээс хараат бус эх сурвалжийг хязгаарлаж байна.

Монгол улс болон хоёр улсын хамтын ажиллагааны нөөц бололцоог бүрэн ашиглах, мөн Олон улсын хамтын ажиллагааг улам илүү нягт уялдуулах тал дээр хоёр талаас хүчин чармайлт гаргасан энэхүү хэлэлцээрт сэтгэл хангалуун байна. Б.Батцэцэг сайдтай санал нэг байна. Баярлалаа" гэв. 

Д.Батчулуун