Засгийн газрын хуралдаанаас гарсан шийдвэрийг танилцуулж байна. Энэ үеэр монголын улсын өрийн асуудлаар Сангийн сайд Б.Жавхлан мэдээлэл өглөө.

Тэрбээр "Засгийн газар БНХАУ-аас их хэмжээний зээл авах гэж байна. Ирээгүйгээ өрөнд оруулах гэж байна хэмээн буруу ташаа, улс төрийн зорилго агуулсан мэдээлэл сошиал, хэвлэл мэдээллээр их явж байна. Үүнд маш харамсалтай байна. Бид форум, хурал хүртэл хийсэн. Иргэдэд маш олон мэдээллүүдийг өгсөн. Тийм байхад ийм мэдээлэл зогсохгүй байна. Засгийн газрын өрийн менежмент стратегийн хүрээнд маш сайн үр дүнд хүрсэн. 2017 онд засгийн газрын гадаад өр хямралын хэмжээнд хүрсэн. ҮҮнээс хойш гадаад өрийн стратеги, менежмент дээр маш сайн ажилласны үр дүнд өрийн эрсдэл тогтворжиж, зээлжих зэрэглэл нэг шатаар ахисан. Зургаадугаар сарын 30-ны байдлаар хөгжлийн банкны баланс сайн гарсан. Энэ оны нэгдүгээр сараас эхлээд Хөгжлийн банкны чанаргүй зээлийг мөнгөн хөрөнгөөр амжилттай барагдуулж чадсан. Зээлжих зэрэглэлийг Засгийн газрын зээлжих зэрэглэлтэй ижил түвшинд хадгалж чадсан. Нэмж авах өрийн стратегийг саяхан УИХ-аар батлуулчихсан. Гурван жилийн төлөвлөгөөг батлуулсан. Авсан зээл нь эдийн засагт эерэг нөлөө, үр дүнгүй зээлийг авахаасаа бүрэн татгалзан хэмээн дараагийн гурван жилийн стратегийг гаргасан" гэв. 

Д.Батчулуун