БХБЯ төсөвт өртөг нь нэмэгдсэн барилгуудын магадлалын талаар мэдээлэл хийж байна. Мэдээлэлдээ “УИХ-д үнийн өөрчлөлтийн талаар танилцуулга хийлээ. Үүнээс өрөгдсөн чиглэлийн дагуу үнийн өсөлт тооцогдоогүй үлдсэн төсөл арга хэмжээнүүдийг богино хугацаанд дахин нэг авч үзэж, эргэж танилцуул гэсэн чиглэл өгсөн. Нийтдээ 1100 гаруй төсөл арга хэмжээнүүд үргэлжлэн хийгдэж байгаа. Энэ төсөл арга хэмжээнүүдээс 534 төсөл арга хэмжээний үнийн өөрчлөлтийг танилцуулсан. Үүнд 274 тэрбум төгрөг нэмэлт шаардлагатай. 314 төсөл арга хэмжээ үнийн өөрчлөлтийн магадлалын асуудалд хамрагдаагүй үлдсэн. Энэ нь тухайн төсөл арга хэмжээ гүйцэтгэж буй компанийн хариуцлага, мөн цаг хугацааны хувьд амжаагүй байж магадгүй. Тиймээс төсвийн байнгын хорооноос 314 төсөл арга хэмжээг дахин нэг удаа авч үзэх чиглэл өгсөн. Бид наймдугаар сарын 1-ны өдөр хүртэл хамрагдах боломж олгож байна. Мөн манай холбогдох газрууд амралтын өдөр, баярын өдрүүдэд ажиллах хуваарь гаргасан байгаа. Барилгын материалын үнийн өсөлт бидний тооцоолж буйгаар багагүй өсөлт гарсан. Наймдугаар сарын 15-нд 2023 оны улсын төсвийг тооцож Сангийн яамд хүргүүлэх учиртай” гэв.

Д.Батчулуун