УИХ-ын чуулганы хуралдаан үргэлжилж байна. Хуралдааны үеэр УИХ-ын гишүүн Т.Аюурсайхан үг хэлж, асуулт асуулаа.

Тэрбээр “Нийгэм, эдийн засагт үүсээд буй хүндрэл бэрхшээл бол албан тушаалтнуудын хариуцлагагүйгээс их болж байгаа. Бүх юмыг цар тахал, гадаад нөхцөл байдал руу чихэх боломжгүй. Албан тушаалтнууд хариуцлагагүй байна. Хуулийн дээгүүр гишгэсэн асуудал байж болохгүй.

Энгийн асуудлыг хуралдааны үеэр шивнээд шахуу ярихад ярьж байгаа өнгө аяс чинь таалагдахгүй байна гээд утсаа шидчихэж байна. Хууль үйлчилдэггүй болохоор ингэж хандаад байдаг юм уу? Төрийн нарийн бичгийн дарга засгийн газрын өмнө ажлаа хариуцдаг. Гэтэл төрсөн эцгийнхээ өмнө хариуцна гэж юу байдаг юм. Энэ бол хууль зөрчиж байна. 

Засгийн газрын хэрэг эрхлэх газрын дарга Ц.Нямдорж гуай таны төрсөн эцэг. Одоо ингээд хэрэлдээд сууж байна. Ийм том. Төрийн ажлыг төрсөн эцгийнхээ өмнө хариуцахаар ийм том болдог юм байна. Сургалтын төлбөрөө татвар төлөгчдийн мөнгөөр төлүүлж байгаа юм. Ирээд төрд таван жил ажиллаад тэрийгээ цайруулчихдаг журамтай юм гэнэ. Тэрбум гаруй төгрөгийг шалихгүй мөнгө гэж ярьдаг ийм том болчихсон” гэв. 

Д.Батчулуун