Есдүгээр сарын 19-нд шинжлэх ухааны “Metoritics & Planetary Science” сэтгүүл болон Nationalgeogaphic, CBSnews зэрэг гадны сайтуудад нийтлэгдэж олны анхаарлыг ихэд татсан “Төмөр хүн” баримлыг хэн бүтээснийг нь тодорхойлж амжаагүй билээ. Харин энэхүү үнэт олдворыг монголчууд бүтээсэн хэмээн судлаач Д.Ганхуяг үзсэн байна.

    Есдүгээр сарын 19-нд шинжлэх ухааны “Metoritics & Planetary Science” сэтгүүл болон Nationalgeogaphic, CBSnews зэрэг гадны сайтуудад нийтлэгдэж олны анхаарлыг ихэд татсан “Төмөр хүн” баримлыг хэн бүтээснийг нь тодорхойлж амжаагүй билээ. Харин энэхүү үнэт олдворыг монголчууд бүтээсэн хэмээн судлаач Д.Ганхуяг үзсэн байна.

    Солироос зүсч хийсэн олдвор олдсон талаар Германы эрдэмтэд мэдэгдсэн юм.

Тэд “Төмөр хүн” гэж нэрлэгдсэн 24 см өндөр буддын бурханы баримлыг Чинга хэмээх солироос зүсэн хийсэн гэж таамаглаж байна. Учир нь энэ баримлын төмөр, никель, кобальт болон бусад микро элементийн бүтэц нь Чинга солирын бүтэцтэй яг адил байсан аж. Чинга хэмээх солир 10.000-20.000 жилийн өмнө Орос-Монголын хил дээр унаж байжээ. 10 мянган жил өмнө бүтээгдсэн хэмээн таамаглаж буй баримлыг солирын хэлтэрхийгээр эвлүүлж хийсэн гэж үзэж байна.

    1938 онд Эрнст Шефферээр ахлуулсан Германы хайгуулын багийнхан Түвдийн нутгаас гэдсэн дээрээ хас тэмдэгтэй хүний баримал олсон байна. Тэдний авчирсан олдвор хувь хүнд хадгалагдаж байгаад, тэр хүн нь 2007 онд эрдэмтдэд хандсанаар одоо шуугиан болж байгаа юм байна.
    “Төмөр хүн” маш их аурa ялгаруулдаг аж. Анх олдохдоо бүрэн алдатмал байсан энэ баримлыг агуу их нууцыг агуулж байгаа хэмээн үзэж байна.

    Энэхүү олдворыг монголчууд бүтээсэн гэж үзсэн судлаач эрдэмтэн Д.Ганхуяг “Солирыг зүсэх нь одоо ч их зовлонтой ажил гэдгийг хүн бүр мэднэ. Тэр үеийн монгол хүмүүс солирын бүтцийн мэдэхээс гадна наад зах нь түүнийг зүсэх боловсруулах, бас эвлүүлж зүйх арга техникийг мэддэг байсан байж таарах нь” хэмээн бичсэн байна. Түүнээс Түвдээс олдсон энэ олдворыг яагаад монголчууд бүтээсэн гэж үзсэн талаар уншигчид нь асуухад “Тэгэх шалтгаан байгаа. Та нарыг юм бод гэсэн юм. Би энэ талаар олон удаа бичиж байсан. Ганц энийг харчихаад онгироод байгаа юм биш” хэмээн хариулжээ.

Түүний өөрийн блогтоо бичсэн “Монголын төмөр хүн” нийтлэлийг энд дарж үзнэ үү.