Монгол Улсын Ерөнхий сайд Л.Оюун-Эрдэнэ Цагааннуур боомтод ажиллалаа. Энэ үеэр Ерөнхий сайд Л.Оюун-Эрдэнэ мэдээлэл өглөө. Тэрбээр "Зургаан том сэргэлт дэвшүүлсний нэг нь бол боомтын сэргэлт. Эхэнд байна гэдэг бол их чухал. Бид бүх боомтуудаа авто замаар, Алтанбулаг, Замын-Үүд боомтуудаа хурдны замаар, мөн шинээр таваас зургаан төмөр замын гарц гаргах шаардлагатай байна. Баруун босоо тэнхлэгийн төмөр замын ажил, зүүн босоо тэнхлэгийн төмөр замын ажил хийгдээд эхэлж байна. Өнөөдөр ес дэх боомт дээрээ Ерөнхий сайдын хувьд ажиллаж байна. Газар дээр нь ирж ажиллах бол үйл явцыг шалгах, биечлэн танилцахаас гадна, хөршүүддээ ач холбогдлоо илэрхийлж буй том илэрхийлэл гэж ойлгож болно.

Өнөөдөр бид Баян-Өлгий аймгийн Цагаан нуур сумын боомт дээр ажиллаж байна. Цагаан нуур боомтод боомтын сэргэлтийн хүрээнд энэ найман сарын сүүлээр Баян-Өлгий хоттой холбож дуусна. Цагаан нуурын боомт бол ОХУ-тай хиллэдэг гол боомтуудын нэг. Олон жилийн өмнө чөлөөт бүс байгуулах асуудлыг ярьж байлаа. Цагаан нуур тосгонтой Цагаан нуур боомт хүртэлх 27,8 км замын ажлын явцтай танилцлаа. Үйл ажиллагаа сайн явагдаж байна. Бидний хувьд хүлээх цаг байхгүй. Яагаад гэхлээр боомтуудаа хурдан холбох тусам тээвэр логистикийн өрсөлдөх чадвар дээшилнэ.

Ингэснээр экспорт нэмэгдэж, эдийн засаг тэлж, ковидын хүндрэлийг давж чадна. Даянгийн боомт , Цагаан нуурын боомт холбогдох замын ажил эхэлбэл баруун босоо тэнхлэгийн төмөр замын наад талд байгаа гурван улсыг холбосон томоохон коридорын голлох ажлуудын нэгтэй дүйцэхүйц ажил болно. Цагаан нуур боомт ОХУ-ын Дашиант боомттой 27 км хиллэдэг стратегийн боомт. Тэнд баруун аймгуудын голлох стратегийн боомт юм. Баруун бүс нутаг хөгжиж, өрсөлдөх чадвар дээшлэхийн хирээр нийслэл улаанбаатар хотын түгжрэл буурахаас эхлээд боомтын сэргэлт дэмжих томоохон хөтөлбөрүүд хийгдэх боломжтой гэж үзэж байна" гэв.

Д.Батчулуун