Засгийн газрын хуралдаанаас гаргасан шийдвэрийг танилцуулж байна. Энэ үеэр Сангийн сайд Б.Жавхлан мэдээлэл өглөө.

Тэрбээр "Энэ жилийн намрын ургац хураалт болон өвлийн бэлтгэл ажилтай холбоотойгоор 10 мянган тонн дизель түлшний үнэ дээр зохицуулалт хийх асуудал хөндөгдлөө. Өөрөөр хэлбэл, хаврын тариалалтын үед дизель түлшний үнэ 3400 төгрөг байсан. Гадаад зах зээл дээр биднээс үл хамаарч байгаа энэ цаг үед дотоодын зах зээл дээрх үнийн өсөлтийг тодорхой хэмжээнд, тодорхой хугацаанд бууруулах, үнийн зохицуулалт хийхээр шийдвэрлэлээ.

Тухайлбал, газар тариалангийн компаниуд одоогийн зах зээлээс 500,600 төгрөгөөр хямд, хаврын үнэ дээр 3400 орчим байлгах зохицуулалт хийе гэж шийдвэрлэлээ. Энэ жилийн намрын ургац хураалт болон цаашид хэрэглэх дараа жилийн эхний хагас жилд нөөцөлсөн бүтээгдэхүүнүүд дээрээ намрын ургац хураалттай холбоотой шатахууны үнийн нөлөөлөл байхгүй байх зохицуулалт хийнэ. Сүүлийн өдрүүдэд биднээс шалтгаалах боломжгүй гадаад зах зээлийн үнэ өөрчлөгдөж байна. Гадаад зах зээл дээрх үнийг бид дагахаас өөр арга байхгүй" гэв.

Д.Батчулуун