Төрийн соёрхолт, дуучин Д.Болд “Монгол поп”-оо үргэлжлүүлж, хоёр дахь цомгоо удахгүй сонсогч фэнүүддээ хүргэхээр болсон билээ. “Монгол поп-2” цомогт нь энэ урсгалаар хийсэн уран бүтээлүүд багтааж байгаа бөгөөд морин хуурч Н.Жигжиддорж, “Хөсөгтөн” хамтлагийн лимбэчин, яруу найрагч Ш.Гүрбазар, “A sound” хамтлагийн төгөлдөр хуурч Д.Пүрэвсүх, реппер Quiza, дууны найруулагч Рагу гээд Монголын урдаа барьдаг уран бүтээлчтэй хамтарч байгаа юм. Түүнчлэн Төрийн шагналт, зохиолч Б.Догмидын шүлэг, Урлагийн гавьяат зүтгэлтэн Л.Балхжав аялгуу “Ижилгүй ганцхан амраг” дуу багтаж байгаа юм байна.