Өнгөрсөн тавдугаар сарын сүүлээр Украйн улсын иргэн 33 настай Сергей Дранович, 24 настай Юри Кравченко нар Сүхбаатар, Чингэлтэй, Баянгол, Баянзүрх дүүргийн нутаг дэвсгэрт байрлах “ХААН” банкны АТМ буюу бэлэн мөнгөний машинаас хуурамч карт ашиглан их хэмжээний бэлэн мөнгө залилан авсныг УМБГ-ын дөрөвдүгээр хэлтэс илрүүлсэн.
    Өнгөрсөн тавдугаар сарын сүүлээр Украйн улсын иргэн 33 настай Сергей Дранович, 24 настай Юри Кравченко нар Сүхбаатар, Чингэлтэй, Баянгол, Баянзүрх дүүргийн нутаг дэвсгэрт байрлах “ХААН” банкны АТМ буюу бэлэн мөнгөний машинаас хуурамч карт ашиглан их хэмжээний бэлэн мөнгө залилан авсныг УМБГ-ын дөрөвдүгээр хэлтэс илрүүлсэн. Тэдэнд Эрүүгийн хуулийн тусгай ангийн 148.4-т зааснаар эрүүгийн хэрэг үүсгэж, Сүхбаатар дүүргийн шүүхэд шилжүүлээд байсан. Харин Сүхбаатар дүүргийн шүүхийн эрүүгийн танхимд хэргийг хянан хэлэлцээд, Сергей Драновичид 10 жил 1 сар, Юрий Кравченкод 10 жил 2 сарын хорих ялыг жирийн дэглэмтэй хорих ангид эдлүүлэхээр шийдвэрлэсэн байна. Тэд “Хаан” банкны карт  уншигч машинуудаас хуурамч төлбөрийн карт ашиглан нийт 89.191.000 төгрөгийг хуурч мэхлэх аргаар залилан мэхэлж авсан нь тогтоогджээ.