Үндсэн хуульд нэмэлт, өөрчлөлт оруулахтай холбоотой асуудал яригдаж байгаа энэ үед УИХ-ын гишүүн Т.Доржханд, МАН-ын Ерөнхий нарийн бичгийн дарга Д.Амарбаясгалан тэргүүтэй улс төрчид , намууд саналаа илэрхийлээд буй. Тэгвэл уг яриа ажил хэрэг болоход ойрхон байна. 

МАН-ын дарга, Монгол Улсын Ерөнхий сайд Л.Оюун-Эрдэнэ захирамж гаргаж, Үндсэн хуульд нэмэлт, өөрчлөлт оруулах эсэх асуудлаар ажлын хэсгийг байгуулсан байна. Ажлын хэсгийн ахлагчаар Монгол Улсын Ерөнхийлөгч асан Н.Энхбаярыг томилжээ.

Ажлын хэсгийн бүрэлдэхүүнд дөрвөн намын дарга багтжээ. Үүнд, Иргэний зориг ногоон намын дарга Ц.Ганхуяг, Монголын уламжлалт нэгдсэн намын дарга Б.Батболд, Монголын үндэсний ардчилсан намын дарга Б.Цогтгэрэл, Шинэ намын дарга Ц.Гантулга нар багтжээ. Ажлын хэсэг ирэх есдүгээр сард багтаан саналаа танилцуулна.

Т.Мөнхжаргал