Ардчилсан намын 4/11 мэдээллийн цаг боллоо. Энэ үеэр Ардчилсан намын дэд дарга Д.Ганбат мэдээлэл өглөө.
Тэрбээр "Өнөөгийн нөхцөл байдал дэлхий дахинд ямар байгаа вэ гэдгийг та бүхэн мэдэж байгаа. Хаа сайгүй түгшүүрийн дохио өгсөн нөхцөл байдалд Монгол Улсад айлчиллаа, Монгол улс энх тайвны билэг тэмдэг болсон улс юм гэдгийг НҮБ-ын Ерөнхий нарийн бичгийн дарга тэмдэглэсэн. Бид бүхэн НҮБ-ын гишүүн орон болон Хоёр хөрштэйгөө найрсаг харилцаатай. Гэхдээ бид гурав дахь хөршийн бодлогыг байнга баримтлах ёстой. Ялангуяа санхүүгийн болон, эдийн засгийн хоригт орж болохгүй.
ОХУ-ын Гадаад хэргийн сайд С.Лавровын айлчлал өнгөрсөн сард болсон. Сэлэнгэ хээрийн сургуулилтын талаар төрөөс мэдээлэл өгөхгүй байна. Энэ талаар ОХУ-ын сайт дээрээ авч байна. 1300-д цэрэг 300 гаруй зэвсэгтэй очиж Ховд аймагт сургуулилт хийж байна. Хэдэнд очоод, хэдэнд буцахыг тодорхой болгох хэрэгтэй.
Айлчлалууд их чухал айлчлал боллоо. Манай улс БНХАУ-ын Гадаад хэргийн сайд Ван И-гээс их хүлээлттэй байлаа. Нүүрсээ гаргах 267 км зам байгаа. Энэ талаар санамж бичигт гарын үсэг зурлаа. Эрчим хүчний тав дахь эх үүсэврийн талаар тодорхойгүй хэвээр үлдэж байна.
Энэ үед НҮБ-ын Ерөнхий нарийн бичгийн дарга Антонио Гутерреш айлчиллаа. Энэ нь олон жилийн дипломат харилцааны үр дүн юм. Манай улсад НҮБ-ын Ерөнхий нарийн бичгийн дарга тав дахь удаагаа айлчиллаа.
Бид эрчим хүчний хараат байдлаасаа салах нь зүйтэй. Энэ тал дээр НҮБ анхаарч ажиллана хэмээсэн. Бид бүхэн арваад жил эдийн засгийн ахиц дэвшилгүй өнгөрөөсөн. Арчилсан намын зүгээс, миний зүгээс үзэж буй байр суурь бол том төслүүдийг яаравчлах нь зүйтэй хэмээн үзэж байна.
Энэ зун наадмууд их сайхан болж өнгөрлөө. Ерөнхийлөгчийн уриалсан айл болгон Чингис хааны эш хөргийг залахыг Ардчилсан нам дэмжиж байна. Гэхдээ Ардчилсан хувьсгалаар ийм боломжтой болсон гэдгийг мартаж болохгүй. Ардчилсан хувьсгалыг Монголын ард түмэн тайван замаар хийсэн. Нөгөө талаар энэ найр наадам ард түмний баяр цэнгэл болохоос биш хэдэн дарга нарын, троллуудын баяр биш. Үүнд олон түмэн их дургүй байна лээ.
Манай гадаад бодлого нэг цонхны бодлого байх ёстой. Үндэсний аюулгүй байдлын үзэл баримтлалын хэмжээ, Монгол улсын үндсэн хуулийн хэмжээ энх тайвныг дэмжсэн бодлого явуулах ёстой. НҮБ-ын Ерөнхий нарийн бичгийн дарга Антонио Гутеррештай уулзсан. Антонио Гутерреш Ардчилсан намыг нэлээн онцолж хэлсэн” гэв.
Д.Батчулуун
