Үндсэн хуулийн Цэцийн их суудлын хуралдаанаар өнөөдөр “Ерөнхий сайд болон Засгийн газрын гишүүдийн дөрвөөс илүүгүй нь УИХ-ын гишүүн байж болно” гэж заасан Үндсэн хуулийн 2019 оны нэмэлт, өөрчлөлтөөр оруулсан заалтыг Үндсэн хууль зөрчсөн эсэхийг хянан хэлэлцлээ.

Их суудлын хуралдаанаар энэ заалтыг Үндсэн хуулийг зөрчсөн хэмээн шийдвэр гаргалаа. Үндсэн хуулийн их суудлын хуралдааны шийдвэр эцсийнх байдаг бөгөөд энэ шийдвэрийг УИХ-ын чуулганы хуралдаанд танилцуулдаг л билээ.

Өөрөөр хэлбэл их суудлын хуралдааны шийдвэрийг УИХ-аар хэлэлцдэггүй. Ингэснээр Л.Оюун-Эрдэнийн Засгийн газрын Цахим хөгжил, харилцаа холбооны болон Эдийн засгийн хөгжлийн сайдаар УИХ-ын гишүүн томилогдох боломж бүрдэж байна. Бүр цаашилбал, одоогийн дан дээлтэй сайд нарыг сольж, УИХ-ын гишүүн сайд томилох хаалга нээгдэж байна.

О.Балдан-Очир