Олон улсын боловсролын үнэлгээний байгууллагаас манай улсын боловсролын салбарт үнэлгээ хийж дүгнэлт гаргасан байна. Үнэлгээг ерөнхий боловсролын түвшинд өнгөрсөн онд хийсэн бөгөөд манай улсад F  буюу "маш муу" гэсэн үнэлгээ өгчээ. Ерөнхий боловсролын чанарын судалгааг дөрөвдүгээр ангийн сурагчдын унших чадвар, наймдугаар ангийн сурагчдын математик, байгалийн ухааны мэдлэгийн түвшинд тулгуурлан хийж дээрх үнэлгээг өгсөн байна. Олон улсын судалгааны баг манай улсын ерөнхий боловсролын чанар сул байгаагийн шалтгааныг сургуулиудын үйл ажиллагаанаас шууд хамааралтай байна гэсэн дүгнэлтэд хүрсэн байна. Уг судалгааг 80 гаруй улсад хийсэн бөгөөд үнэлгээ хийлгэсний төлбөрт БСШУЯ-наас(хуучин нэрээр) 1,5 сая ам.доллар зарцуулсан гэж мэдээлжээ.