УИХ-ын ээлжит бус чуулган өнөөдөр эхэлнэ. Ээлжит бус чуулганыг зарласан УИХ-ын даргын захирамжинд энэ чуулганаар хэлэлцэх асуудлуудыг

• Үндэсний аюулгүй байдлын зөвлөлийн мэдээлэл,
• Монгол Улсын Үндсэн хуулийн цэцийн 2022 оны 02 дугаар тогтоолтой холбоотой асуудал
• Цаг үеийн асуудлаар мэдээлэл хэмээн дугаарласан байна.  

УИХ-ын дарга Г.Занданшатарын гарын үсэг зурсан энэхүү 122 тоот захирамжинд нэг зүйл буруу байгаа нь “Үндсэн хуулийн цэцийн тогтоолыг хэлэлцэнэ” хэмээсэн нь. Учир нь, Үндсэн хуулийн цэцийн Их суудлын хуралдаанаас гарсан тогтоол нь гармагцаа хүчин төгөлдөр хэрэгжиж эхэлдэг бөгөөд үүнийг Цэцийн их суудлын хуралдаанаас гаргасан тогтоолыг УИХ хэлэлцдэггүй юм.

Гэсэн ч УИХ-ын дарга хэлэлцэх асуудлын дараалалд оруулан захирамж гаргаж байгаа нь УИХ-ын Тамгын газрын Ерөнхий нарийн бичгийн даргы Л.Өлзийсайханы шууд алдаа.

Хууль журмаараа УИХ-аас гарч буй аливаа тогтоол, шийдвэрийг хуульд нийцүүлэхэд арга зүйн зөвлөгөө өгөх үүрэг нь Тамгын газрын ерөнхий нарийн бичгийн даргад байдаг билээ.

О.Балдан-Очир