УИХ-ын гишүүн Т.Доржханд мэдээлэл хийлээ. Тэрбээр “УИХ-ын ээлжит бус чуулган нээлтээ хийлээ. Үндсэн хуулийн цэцийн их суудлын хуралдааны 02 дугаар тогтоолтой холбоотой асуудлыг хэлэлцэнэ. Үндсэн хуулийн цэц их суудлын хуралдаан хоёр удаа тогтоол гаргалаа. Нэгдүгээрт, сонгууль явуулахдаа порпорцинал системийг нээх нь зүйтэй гэсэн тогтоол гаргасан. Хоёрдугаар тогтоол нь давхар дээлийн асуудлын хөндсөн. Үндсэн хуулийн нэмэлт өөрчлөлтийн 39.1 дүгээр заалтыг авч хаясан. Энэ заалтад цэцийн гишүүдийн дөрөв нь Засгийн газрын гишүүн байна гэсэн заалтыг авч хаясан. Нэг л асуудлыг хэлэлцэнэ гэж оруулж ирсэн. Бодит байдал дээр хоёр асуудлыг хэлэлцсэн. Их суудлын хуралдаанаас Давхар дээлийн зөвшөөрч байгаа юм бол үндсэн хуулийн нэмэлт өөрчлөлтийн суурь үзэл баримтлалыг дагаарай.
Одоо давхар дээл өмссөн тохиолдолд 16 сайд давхар дээлтэй болно. Тиймээс УИХ-ын гишүүдийн тоог нэм гэсэн асуудлаар Үндсэн хуулийн цэцэд асуудлаа тавьсан. Өөрөөр хэлбэл, давхар дээл өмсгөх гэж байгаа бол гишүүдийн тоог нэм гэсэн хэлэлцүүлэг болсон. Зөвхөн давхар дээл өмсөөд, Үндсэн хуулийн цэцийн шийдвэрийг хаах гээд байна уу, эсвэл улс орны эрх ашгийг урдаа тавиад том өөрчлөлт хийх гээд байна уу гэдгийг их баригч намаас асуух хэрэгтэй.
Мөн Үндсэн хуулийн нэмэлт өөрчлөлтөөр парламентыг ардчиллыг бэхжүүлэх шаардлагатай. Үүний хүрээнд дараах зүйл уялдаатай.
- Сонгуулийн тогтолцоог хувь тэнцүүлсэн тогтолцоонд оруулах
- Их хурлын гишүүдийн тоог нэмсэн тохиолдолд давхар дээлтэй байх
Үндсэн хуулийн цэцийн есөн гишүүний шийдвэрээр биш УИХ-ын 76 гишүүний 57-с дээш кнопоор буюу Үндсэн хуулийн 69.1 дүгээр заалтыг бариад Үндсэн хуулийн нэмэлт өөрчлөлтөө хийх хэрэгтэй” гэв.
Д.Батчулуун
