УИХ дахь Ардчилсан намын бүлгийн даргаар УИХ-ын гишүүн О.Цогтгэрэлийг сонгосон талаар мэдээлэл гарсан. Бүлгийн дарга байсан Д.Ганбат үүнийг эсэргүүцэж хууль бусаар сонгосон гэж эсэргүүцсээр байна. Энэ талаар Бүлгийн дэд дарга Б.Бейсенгээс тодрууллаа.

-Танай Бүлгийн даргын асуудал нэг талдаа гарч шийдэгдэх нь үү. Д.Ганбат даргыг огцруулсан уу, огцруулаагүй байгаа юм уу?

-УИХ дахь Ардчилсан намын бүлгийн даргын асуудал цэгцэрсэн. Өнөөдөр УИХ-ын дарга чуулган дээр уншиж танилцуулснаар хүчин төгөлдөр болно. Хаврын чуулганы төгсгөлийн хуралдаан дээр Бүлгийн дарга Д.Ганбатыг огцруулах асуудлыг чуулган дээр танилцуулж, УИХ-ын дарга алх цохьчихсон шүү дээ. Одоо ямар нэгэн маргаан байхгүй. Бүлгийн 10 гишүүн хуралдаанд оролцсон, Б.Пүрэвдорж гишүүн гадаадад томилолттой яваа. Хуралд оролцсон гишүүдийн олонх нь О.Цогтгэрэлд саналаа өгч Бүлгийн даргаар сонгосон. 

-Тэгвэл Д.Ганбат дарга яагаад Үндсэн хуулийн Цэц болон УИХ-ын даргад Бүлгийг төлөөлж шаардлага хүргүүлээд байгаа вэ?

-УИХ-ын гишүүний хувиар шаардлага, албан бичиг өгөх эрх нь тэр хүнд бий. Түүнээс Бүлгийг төлөөлөх чадамжгүйучраас явуулж байгаа бичгийг нь хүчин төгөлдөр гэж үзэхгүй. Хаврын чуулганаар Д.Ганбат гишүүн Бүлгээс гарлаа, УИХ дахь Ардчилсан намын бүлэг тарсан гэх мэтмэдэгдлийг өөрөө хийсэн. Тэгсэн хэрнээ одоо яагаад ”Би Бүлгийн дарга хэвээрээ” гээд байгааг гайхаж байна.

Т.Мөнхжаргал