УИХ-ын гишүүн Ж.Ганбаатарын компанийн барьж байгаа барилга стандарт зөрчиж, оршин суугчдын эрхэд халдаж байгаа талаар иргэдээс гомдол ирээд байгаа.

Тэгвэл УИХ-ын гишүүн Ж.Ганбаатар дараах тайлбарыг өглөө.

Тэрбээр "Эзэмшлийн объектоо дуудлага худалдаагаар 20 тэрбум төгрөгөөр авсан. Хэн нэгнийг луйвардаад, менежментийн хувьчлал нэрийн дор үнэгүй авсан юм биш. Ингэж авсан газартаа барилга барьж байна, би тэрийг үүрээд явах биш Монголын ард түмэн дотор нь амьдарна.

Барилга барьдаг журмаараа барьж байна. Өрөм хийлээ гээд байгаа тэрийг хажуугийн барилгаа хамгаалж өрөм хийж байгаа юм. Хотын төвд өрөм хийхгүйгээр барилга барьж болохгүй.

Иргэд, оршин суугчид буруу мэдээлэлтэй байна. Улаанбаатар хотын төвд бусад улсын жишгээр өрөм хийж хажуугийн барилгуудаа хамгаалдаг байх ёстой.

Намайг сайд болчихно гээд улстөржүүлээд дайрч байгаа асуудал. Тиймээс биш өрөмдлөг хийгээд хажуугийн барилга цуурсан асуудал байхгүй" гэв.

Т.Мөнхжаргал