Үндсэн хуулийн асуудлаар Ш.Раднаасэд гишүүн мэдээлэл өглөө. Тэрбээр “Үндсэн хуулийн цэцийн их суудлын хуралдааны тогтоол гарчхаж байгаа учир өөрчлөх боломжгүй. Үндсэн хуулиас бусад хуульд УИХ юу ч ярихгүй. Харин үндсэн хуулийг ингэж болохгүй. Үндсэн хуулийн асуудалд өмнө нь ийм зүйл болж байгаагүй. Дэг байхгүй.

Цэц нэгэнт ингэсэн юм чинь гээд бусад хууль шиг орхиж болохгүй байна. Үндсэн хуульд Монгол Улсын бүх зүйл явж байгаа. Нэгэнт овоо боссон. Энэ овоог дахин босгох ёсгүй. Нураах ёстой. Тийм учраас цэцэд маргаан хянан шийдвэрлэх хуульд өөрчлөлт оруулж, хуульд цэц гар хүргэхгүй гэсэн заагийг тавих хэрэгтэй. Заг тавьж өгөөгүйгээс болоод өнөөдрийн ийм байдал үүсэж байгаа юм.

Энэ бол УИХ-ын гишүүн Засгийн газрын байх уу үгүй юу гэдэг асуудалдаа биш. Хэрвээ өөр асуудал байсан бол яах вэ. Ерөнхийлөгч зургаан жил биш, 10 жил байх ёстой гэсэн заалт байвал яах вэ. Тиймээс энэ бол зөвхөн давхар дээлийн асуудал биш” гэв. 

Д.Батчулуун