УИХ-ын гишүүн О.Цогтгэрэлээс АН-ын бүлэг тарсантай холбоотой байр суурийг тодрууллаа. Тэрбээр дараах тайлбарыг өгч байна. 

УИХ-ын гишүүн О.Цогтгэрэл "Бүлэг тараасан гээд байгаа хүмүүс хуулиудаа унш гэж хэлмээр байна. УИХ-ын бүлэг гэдэг Үндсэн хууль, УИХ, төрийн бүтцийн байгууллага байдаг. Үүнийг тодорхойлдог олон зохицуулалт бий.

Гэтэл өөрсдийн дураар шийдвэрлээд зарлачихаар болчихдог юм биш. Бүлэг тараагаад зөвлөл байгууллаа гээд байгаа. Гэтэл үүнийг хуулиараа хориглочихсон, хориотой зүйл. Тиймээс эдгээр хүмүүс олон нийтийг төөрөгдүүлж, хуулийг буруу тайлбарлах нь буруу.

Улсын дээд шүүхэд АН бүртгэлтэй гэхдээ өнөөдрийг хүртэл АН-ыг төлөөлөх эрх бүхий этгээд байхгүй байгаа. Ийм байхад гишүүдийг хөөлөө, эрх сэргээлээ гэдэг зүйл байхгүй. Энэ чинь хууль ёсны үйлдэл биш. Миний хувьд бүлгийн олонхоос гараагүй шийдвэрийг болсон мэтээр хариулмааргүй байна" гэв.

Т.Мөнхжаргал