УИХ-ын гишүүн Т.Доржханд “ Сүүлийн долоо хоног ХҮН намыг ихээр харлууллаа. УИХ-аас гарч байгаа шийдвэрүүд бодитой гэхэд хэцүү. Байнгын хороон дээр 4-5 хүний саналаар шийдвэр гарч байгаа. УИХ-ын гишүүдийн тоо өссөн тохиолдолд “давхар дээл”-ний асуудлыг ярих нь зөв. Энэ бол сонгодог парламентад байдаг зүйл гэсэн байр суурьтай байсан.

Хамгийн чухал зүйл нь Монгол Улсын төрийн тэргүүнийг сонгодог парламентаар сонгох асуудал. Шаардлагатай бол парламентийн өргөтгөсөн бүрэлдэхүүнээр сонгох нь зүйтэй. Ерөнхийлөгчийн засаглалтай ч юм шиг, парламентийн засаглалтай ч юм шиг хоорондоо эрх мэдлээ булаацалддаг. Үр дүнд нь Засгийн газар огцордог.

Ажил хийдэггүй, иргэдийн амьдрал унадаг 30 жил явсан. Энэ байдыг өнөөдөр эцэслэе гэсэн шийдвэрийг хүссэн. Тиймээс биш МАН-ын хүмүүсийг давхар дээлтэй болгохын төлөө, АН-ыг Засгийн газарт оруулахын төлөө, МАНАН гурав үүсэхийн төлөө бид яваагүй, явахгүй. Хэрэв тийм тохиолдол үүсвэл ХҮН нам парламентад сөрөг хүчний үүргээ нэр төртэй гүйцэтгэнэ" гэв. 

Т.Мөнхжаргал