УИХ-ын чуулганаар Засгийн газрын бүрэлдэхүүний тухай хуульд нэмэлт өөрчлөлт орууллаа. Ингэснээр Л.Оюун-Эрдэнийн тэргүүлсэн Засгийн газар 16 яам, 21 сайдтайгаар үйл ажиллагаагаа үргэлжлүүлэхээр болж байна. 

Ерөнхий чиг үүргийн яамдад:

• Эдийн засаг, хөгжлийн яам
• Гадаад харилцааны яам
• Сангийн яам
• Хууль зүй, дотоод хэргийн яам байх бол

Чиглэлийн яамд нь:

• Байгаль орчин, аялал жуулчлалын яам,
• Батлан хамгаалахын яам,
• Барилга, хот байгуулалтын яам,
• Боловсрол шинжлэх ухааны яам,
• Зам, тээврийн хөгжлийн яам,
• Соёлын яам,
• Уул уурхай, хүнд үйлдвэрийн яам,
• Хөдөлмөр, нийгмийн хамгааллын яам,
• Хүнс, хөдөө аж ахуй, хөнгөн үйлдвэрийн яам,
• Цахим хөгжил, харилцаа холбооны яам,
• Эрчим хүчний яам,
• Эрүүл мэндийн яам байх нь ээ.  

​​​​​​​Харин яамгүй сайд нараар Засгийн газрын Хэрэг эрхлэх газрын дарга бөгөөд Монгол Улсын сайд, Шадар сайд, Боомтын сэргэлтийн үндэсний хорооны дарга бөгөөд Монгол Улсын сайд, Нийслэл, Улаанбаатар хотын авто замын түгжрэлийг бууруулах үндэсний хорооны дарга бөгөөд Монгол Улсын сайд,  Олимп, нийтийн биеийн тамир, спортын үндэсний хорооны дарга бөгөөд Монгол Улсын сайд гэсэн сайд нар ажиллах юм байна.

Д.Батчулуун