Ерөнхий сайд Л.Оюун-Эрдэнэ өөрийнхөө танхимаа бүрдүүлж шинэ сайд нараа хүлээн авч байна. Цаашид Засгийн газар 16 яам, 21 сайдтайгаар үйл ажиллагаа явуулах бөгөөд, өмнөх Засгийн газраас А.Ариунзаяа Г.Ёндон, З.Мэндсайхан, Ц.Нямдорж, Н.Тавинбэх, Л.Халтар нар чөлөөлөгдөж,  Гадаад харилцааны сайд Б.Батцэцэг, Байгаль орчин, аялал жуулчлалын сайд Б.Бат-Эрдэнэ, Барилга хот байгуулалтын сайд Б.Мөнхбаатар, Соёлын сайд Ч.Номин, Хууль зүй дотоод хэргийн сайд Х.Нямбаатар, Батлан хамгаалахын сайд Г.Сайханбаяр, Эрүүл мэндийн сайд С.Энхболд, Боловсрол, шинжлэх ухааны сайд Л.Энх-Амгалан, Сангийн сайд Б.Жавхлан нар үлдэж байна. Ингэснээр Засгийн газар дараах бүрэлдэхүүнтэй ажиллана.

1. Засгийн газрын Хэрэг эрхлэх газрын дарга Д.Амарбаясгалан
2. Хөдөлмөр, нийгмийн хамгааллын сайд Д.Сарангэрэл
3. Зам тээврийн сайд С.Бямбацогт 
4. Эдийн засгийн хөгжлийн сайд Ч.Хүрэлбаатар
5. Уул уурхай хүнд үйлдвэрийн сайд Ж.Ганбаатар
6. Эрчим хүчний сайд Б.Чойжилсүрэн
7. Цахим хөгжил, харилцаа холбооны сайд Н.Учрал
8. Хүнс, хөдөө аж ахуйн сайд Х.Болорчулуун
9. Нийслэлийн асуудал эрхэлсэн сайд Ж.Сүхбаатар
10. Спорт, хариуцсан сайд Б.Бат-Эрдэнэ
11. Гадаад харилцааны сайд Б.Батцэцэг
12. Байгаль орчин, аялал жуулчлалын сайд Б.Бат-Эрдэнэ
13. Барилга хот байгуулалтын сайд Б.Мөнхбаатар
14. Соёлын сайд Ч.Номин
15. Батлан хамгаалахын сайд Г.Сайханбаяр
16. Эрүүл мэндийн сайд С.Энхболд
17. Монгол Улсын шадар сайд С.Амарсайхан
18. Боловсрол, шинжлэх ухааны сайд Л.Энх-Амгалан
19. Хууль зүй дотоод хэргийн сайд Х.Нямбаатар
20. Сангийн сайд Б.Жавхлан
21. Монгол Улсын Ерөнхий сайд Л.Оюун-Эрдэнэ

Тэдний хамгийн залуу, хамгийн ахмад, хамгийн олон удаа сайдаар ажилласан, хамгийн олон малтай, хамгийн их компани эзэмшдэг болон хамгийн олон автомашинтай сайд нарыг нэрлэлээ.

ХАМГИЙН ЗАЛУУ САЙД ЦАХИМ ХӨГЖИЛ, ХАРИЛЦАА ХОЛБООНЫ САЙД Н.УЧРАЛ

Тэрбээр 1985 оны нэгдүгээр сарын 2-нд төрсөн. Өдгөө 37 настай хамгийн залуу сайдаар тодорч байна. Н.Учрал нь  2020 оноос Монгол Улсын Их хурлын Инновац, цахим бодлогын байнгын хорооны даргаар ажиллаж байгаа бөгөөд

ХАМГИЙН АХМАД САЙД Д.САРАНГЭРЭЛ

Хөдөлмөр, нийгмийн хамгааллын сайдаар шинээр томилогдож буй УИХ-ын гишүүн Д.Сарангэрэл нь 1962 оны нэгдүгээр сарын 15-ны өдөр Улаанбаатар хотод төржээ. Энэ жил тэрбээр 60 нас хүрчээ.

ХАМГИЙН ОЛОН УДАА САЙДААР АЖИЛЛАСАН САЙД Ч.ХҮРЭЛБААТАР

Өдгөө Төсвийн байнгын хорооны даргаар ажиллаж байгаа УИХ-ын гишүүн Ч.Хүрэлбаатар нь гурван удаа сайдаар ажиллаж байжээ. 2007-2008 онд Монгол Улсын Засгийн газрын гишүүн, Түлш, эрчим хүчний сайдаар, 2009-2012 онд  Монгол Улсын сайд, 2017-2021 онд Сангийн сайдаар ажиллаж байв.

ХАМГИЙН ОЛОН МАЛТАЙ САЙД Б.БАТ-ЭРДЭНЭ

Шинээр томилогдож буй Спортын асуудал хариуцсан сайд Б.Бат-Эрдэнэ 2150 хонь, 53 үхэр, 300 адуутай хэмээн хөрөнгө орлогын мэдүүлгээ өгчээ. Ингэснээр 21 сайд дундаасаа хамгийн олон малтай сайдаар тодорч байна.

ХАМГИЙН ИХ КОМПАНИ ЭЗЭМШДЭГ САЙД Б.ЧОЙЖИЛСҮРЭН

УИХ-ын гишүүн Б.Чойжилсүрэн нь Эрчим хүчний сайдаар томилогдож байна. Тэрбээр нийт 31 компани эзэмшдэг. Үүнд, Хос гэрэлт авто сервис ХХК, Сауд гоби петро ойл транс ХХК, Кэй Би тауэр пропертис ХХК, Хаус инвест такс ХХК, Эрхий мэргэн цэцэрлэг Бусад, Нэйшнл майнинг лаб ХХК, Хурд юнайтед финанс ХХК, Түмэн найрамдал ХХК, Беллвью пропертис ХХК, Нэшнлмайнинг групп ХХК, Монконс ХХК, Хурдкапитал ХХК, Хурд-Энержи ХХК, Хурдмайнинг ХХК, Юнайтедложистик групп ХХК, Хурдстандарт ХХК, Хурдцентр ХХК, Хурдресурс ХХК, Юнайтедтранс групп ХХК, Эйжнложистик бридж ХХК, Хурдпропертийз ХХК, Хурд Транс ХХК, Өмнийн гоё говь ХХК, Говь гоё сайхан ХХК, Сауд гоби блейк гоулд ХХК, Апартмент Кей Эйч ХХК, Хаус инвест ХХК, Рапид харш ХХК, Хурд Авто ХХК, Хурд групп ХХК, Хурд Хүнс ХХК, Цэнхэр гантиг ХХК нар багтаж байна.

ХАМГИЙН ОЛОН МАШИНТАЙ САЙД Ч.НОМИН

Соёлын сайд Ч.Номин хөрөнгө орлогын мэдүүлэгтээ таван автомашин эзэмшдэг гэж мэдүүлжээ. Үүнд, жийп болон туулах чадвар өндөр,Toyota,Land Cruiser 80- 1, суудлын жижиг машин,Toyota,Alphart- 1, суудлын жижиг машин,Porsche,Cayenne- 1, жийп болон туулах чадвар өндөр,Mercedes Benz, G 55 AMG- 1, жийп болон туулах чадвар өндөр,Nissan,Patrol- 1 багтжээ.

ХАМГИЙН ИХ ҮЛ ХӨДЛӨХ ХӨРӨНГӨТЭЙ САЙД Ч.НОМИН

Хамгийн олон машинтай сайд Ч.Номин мөн хамгийн олон үл хөдлөхтэй сайдаар тодорч байна. Түүний нэр дээр нийт 13 ширхэг орон сууц, барилга байгууламж бүртгэлтэй байдаг. Үүнээс нийтийн орон сууц найм, гурван авто зогсоол, бусад хоёр үл хөдлөхтэй.

Т.Мөнхжаргал