Засгийн газрын хуралдаанаас гаргасан шийдвэрийг танилцуулж байна. Энэ үеэр Инфляцын нөхцөл байдал, авч хэрэгжүүлэх арга хэмжээний талаар Эдийн засгийн хөгжлийн сайд Ч.Хүрэлбаатар мэдээлэл өглөө.

Тэрбээр "Өнөөдрийн засгийн гарын хуралдаанаар үнийн өсөлтийн талаар болон түүнд нөлөөлж буй хүчин зүйлсийн талаар хэлэлцлээ. Энэ асуудал шинэ засгийн газрын хамгийн эхний асуудал болж яригдлаа. Монгол улсад эхний долоон сарын байдлаар имфляцийн түвшин 15,7 хувь байсан. Харин наймдугаар сарын дундаж байдлаар 14,1 хувь болж буусан. Ингэж буухад мах болон хүнсний ногооны үнийн бууралт нөлөөлсөн. Энэ бол улирлын шинж чанартай өөрчлөлтүүд юм. Суурь шалтгаанууд дээр ямар эрсдэлүүд байгааг Засгийн газрын хуралдаанаар ярилцлаа.

Төлбөрийн тэнцлийн алдагдал 1,3 тэрбум америк доллар байгаа. Өнгөрсөн жилтэй харьцуулаад үзвэл нэг тэрбум доллароор нэмэгдчихсэн байна. Тухайлбал, төгрөгийн ханшны сулралт бол инфляцад нөлөөлөх суурь хүчин зүйл болох эрсдэлтэй байна.

Энэ нь мөнгөний бодлогыг чангаруулах арга хэмжээг шаарддаг. Тиймээс мөнгөний бодлоготой бодлогоо уялдуулах чиглэл ажиглагдаж байгаа тул үүрэг чиглэлийг холбогдох сайд нарт өгсөн.

Бээжин хавийн 4-5 газарт хөл хорио тогтоосон. БНХАУ-д КОВИД-той холбоотойгоор авч хэрэгжүүлж буй арга хэмжээ нь манай улсын тээвэр зуучлал болон бараа бүтээгдэхүүний үнийн өсөлтөд нөлөөлөх эрсдэл өндөр байгаа.

Тус улсын авч хэрэгжүүлж байгаа арга хэмжээ хэр удаан үргэлжлэхийг хэлж мэдэхгүй байна" гэв. 

Д.Батчулуун