ШӨХТГ-аас бараа бүтээгдэхүүний гарал үүсэл ба хэрэглэгчийн мэдээлэл авах эрх аяны талаар мэдээлэл хийж байна. Энэ үеэр Шударга Өрсөлдөөн Хэрэглэгчийн Төлөө Газрын дарга С.Мөнхчулуун мэдээлэл өглөө.

Тэрбээр "Манай улсад худалдан борлуулагдаж буй бараа бүтээгдэхүүн хаяг шошго, гарал үүсэл, хэрэглэх заавар нэмэлт шошготой байх ёстой. Мөн Англи, Монгол, ОХУ гэсэн гурван хэлээр бүтээгдэхүүнийхээ талаар мэдээлэл өгч байх хэрэгтэй. Гэтэл шошго дутуу, хаанаас импортолсон гэдэг нь тодорхойгүй бараа бүтээгдэхүүн их байна. 

Манай байгууллагын улсын байцаагч нар дэлгүүрээс түүврийн аргаар 10 бүтээгдэхүүн авахад 6-7 нь дээрх зөрчилтэй байна. 

“Бараа бүтээгдэхүүний гарал үүсэл ба хэрэглэгчийн мэдээлэл авах эрх” аян зохион байгуулж, иргэд, үйлдвэрлэгч, худалдаачидтай хамтран энэ асуудлыг таслан зогсоохгүй бол хүнсний аюулгүй байдлын асуудал хөндөгдөж байна.  Хүнсний бүтээгдэхүүнээс хордлого авбал эргээд хаана хандах вэ гэдэг нь огт бичигдээгүй. Турк, Казахстан юм уу аль улсынх нь мэдэгдэхгүй хэлээр бичсэн бараа байна. Гадаадад үйлдвэрлэсэн газар руу нь хандах боломж иргэдэд байхгүй" гэв. 

Д.Батчулуун