ЗГХЭГ-ын дарга Д.Амарбаясгалан төрийн хэмнэлтийн тухай хуулийн талаар мэдээлэл өглөө.

Тэрбээр "Төр энэ системийг нэвтрүүлж чадаагүй, бодитой цаг хугацаанд туршиж үзээгүй байсан учир тулгамдсан асуудал гарч ирж байна. Төрийн уламжлалт арга хэлбэрт нийцүүлэх бодлогыг богино хугацаанд хэрэгжүүлэх шаардлага үүсэж байна. Бизнесийн зарчмаар аваад явчих боломжтой, цаанаа төр хэмнэчих боломжтой эдгээр зүйлс дээр төр бодлого гаргаж ажиллах зайлшгүй шаардлага байна гэж үзэж байна.

Төрийн албан хэмнэлтийн хуулиар ямар албан тушаалтай хүмүүс автомашин хэрэглэх вэ гэдгийг тодорхой заасан. Өнөөдрийн байдлаар 587 автомашиныг хураагаад авчихсан байна. Нөгөө талаар 21 аймаг, сумуудад тухайн орон нутгийн нөхцөл байдлаас шалтгаалаад автомашин хэрэгцээтэй тохиолдол бий. Үүнийг илүү тодотгол хийгээд, шаардлагатай бол хуульдаа өөрчлөлт оруулна, шаардлагагүй бол баталсан хуулиараа явна. Ийм зорилттой явж байна.

Улсын хэмжээнд 200 мянга орчим төрийн албан хаагч байна гэж үздэг. Үүний 25 орчим хувь нь үйлчилгээний, 25 орчим хувь нь багш, эмнэлгийн ажилчид, 60 орчим хувь нь жинхэнэ төрийн албан хаагч гэж үздэг. Эдгээрийн зөв ангилаад, хэмжээ хязгаарыг нь зөв тогтоож өгч чадвал энэ ажлын үр дүн богино хугацаанд гарна гэдэгт итгэлтэй байна.

Ажлын хэсгийн бүрэлдэхүүний тооцож гаргаснаар 2022 онд 124,8 тэрбум төгрөгийг хэмнэсэн байна. Хэмнэлтийн хуулийн агуулга бол хэрэгцээгүй барилга байшин барихаас эхлээд бүгдийг хэмнэх юм.

Сангийн сайдтай уулзаад ярихад 200,300 тэрбум орчим төгрөгийн хэмнэлт үүсэх нөхцөл бүрдэж байна гэж үзэж байгаа юм. Орон нутагт хүүхдийн цэцэрлэгийн хүртээмж 110 хувь, нийслэлд хүртээмж нь 78 хувь байсан. Засгийн газраас авч хэрэгжүүлсэн арга хэмжээний үр дүнд 100 руу дөхүүлэх бодлогыг хийсэн. Барилга байшин барих биш баригдсан байгаа байшин барилгыг түрээслэх зэрэг зарчмаар үүнийг нөхөж чадаж байна. Хувийн хэвшлийн барилга байгууламжийг түрээсэлж төрийн үйл ажиллагаа явуулдаг байх, бүр цаашлаад төр, иргэн ААН-тэйгээ зэрэгцсэн байдлаар тендерт өрсөлддөг, бизнес эрхэлдэг байдлаасаа татгалзах хэрэгтэй. Ингэж чадвал төрийн ачаалал эрс багасна. Төрийн бүтээмж эрс сайжирна. Үр дүн, ач холбогдол нь ард түмэнд бодитой мэдрэгдэх нөхцөлийг бий болгож чадна” гэв.