Тавантолгой-Гашуунсухайт чиглэлийн 267 км төмөр замын бүтээн байгуулалтын нээлт болж байна. Энэ үеэр Ерөнхийлөгчийн Тамгын Газрын дарга Я.Содбаатар мэдээлэл өглөө.

Тэрбээр "Дэд бүтцийн ийм том бүтээн байгуулалт хийж, өнөөдөр нээлтээ хийж буй учир нүүрсний гарц нэмэгдэнэ. БНХАУ-ын Гадаад хэргийн сайдын айлчлалаар хоёр улсын нүүрсний тогтвортой гэрээний асуудлыг гаргаж тавьсан. Үүнийг БНХАУ нааштай хүлээн авч байгаа.

Монгол Улсад төмөр замын дэд бүтцийг бий болгож чадсанаар Монголын экспорт огцом нэмэгдэнэ. Энэхүү түүхэн шийдвэрийг Ерөнхийлөгч У.Хүрэлсүх Ерөнхий сайдаар ажиллаж байхдаа 2018 онд гаргаж байсан. Олон улсын нөхцөл байдал амаргүй байгаа ч гэсэн өнөөдөр бодит ажил хэрэг болгож, анхны ачаатай галт тэрэг хилийн зүг хөдлөлөө.

Нүүрс химийн аж үйлдвэрлэлийг хөгжүүлэх асуудал чухал байгаа. Энэ асуудлыг шийдвэрлэх ажлын хэсэг байгуулагдсан. Ажлын хэсгийн анхны хуралдаан өчигдөр болсон. Бид Япон улс, Герман улс зэрэг гаднын нүүрс химийн чиглэлээр томоохон технологи эзэмшдэг орнуудад хандаж, нүүрсийг түүхийгээр нь гаргах биш дотооддоо боловсруулж гаргах чиглэлээр нүүрс химийн цогцолбор байгуулна" гэв.

Д.Батчулуун