"Гадаадын хөрөнгө оруулалтын эрх зүйн орчин" сэдэвт хэлэлцүүлэг болж байна. Энэ үеэр Хууль зүй, дотоод хэргийн сайд Х.Нямбаатар мэдээлэл өглөө.
Тэрбээр "Ерөнхий сайдын хоёр захирамж гарсан. Нэгдүгээрт, Гадаадын хөрөнгө оруулалтын тухай хуулийн шинэчилсэн найруулгыг боловсруулах. Үүнд ажлын хэсэг байгуулаад боловсруулсан. Хоёрдугаарт, Гадаадын хөрөнгө оруулагчдын эрх ашгийг хамгаалах чиглэлээр хууль сахиулах байгууллага тодорхой үр дүнтэй ажил зохион байгуулах үүрэг чиглэл өгсөн. Үүний дагуу хийгдсэн ажлын талаар ЦЕГ мэдээлэл хийлээ. Цаашид гадаадын хөрөнгө оруулалтын нэмэгдүүлэх чиглэлээр хэд хэдэн зүйл дээр анхаарч ажиллахаар өнөөдрийн хэлэлцүүлгийг хийж байна. Хэлэлцүүлэгт гадаадын элчин сайдын яамны тэргүүнүүд зэрэг томоохон хүмүүс ирсэн байна.
Гаднын хөрөнгө оруулалтыг урин дуудах мессежийг элчин сайдын яамнууд болон дипломат төлөөлөгчдийн байгууллагаар нь дамжуулж өгөх зорилготой.
Гадаадын хөрөнгө оруулалтыг хариуцсан агентлаг нэг яамд харьяалагддаг байх хэрэгтэй байна. Хэд хэдэн яам руу шилжиж очсон байдаг. Мөн гадаадын хөрөнгө оруулалтын тухай хуульд байдаг давуу байдлуудыг хөрөнгө оруулагчдад сурталчилан таниулаагүй.
Гуравдугаарт, тоглоомын дүрмээ ойр ойрхон өөрчилдөг учир гадаадын хөрөнгө оруулалтын бодит хэмжээ өсөхгүй байна. Зарим хуулийн байгууллагын удирдлагууд нь өөрсдөө гаднын хөрөнгө оруулагчдыг тонон дээрэмдэх ажлуудыг хийж байсан. Энэ бол бидэнд маш хортой толбо болж үлдсэн” гэв.
Д.Батчулуун
