Монголын улс төрийн нэн шинэ түүхийг бичиж байгаа улс төрийн намуудаас эрх барьж, олонхи болж байсан хоёр л нам байдаг. Тэр нь МАН болон АН. Үүсгэн байгуулсан цагаасаа л улс төрийн товчооных нь шийдвэр хууль байсан МАН-ын хувьд өдгөө ч энэ уламжлал нь бараг хэвээр. Удирдах зөвлөл нь шийдвэр гаргасан бол үг бүрийг нь гишүүд нь дагадаг тийм дарга төвтэй нам. Харин улс төрийн дөрвөн нам нэгдэж байгуулсан АН-ын хувьд өөр. Олон фракцид хуваагдаж, олон ургалчаар хэлэлцдэг гэдгээрээ ч харьцангүй ардчилсан шийдвэрүүдийг энэ нам гаргадаг байсан. Түүхэндээ хоёр ч удаа эрх баригчаар ажилласан АН-ын хамгийн том фракцууд нь нэг үе Алтангадас, МҮДН, Нэг-Ардчилал, Шонхор, МоАХ тав байлаа. Гэсэн ч 2014 оноос АН-ын фракцууд үзэл бодлын нэгдэл гэхээсээ илүү бизнесийн бүлэглэл болон хуваагдсанаар энэхүү фракцууд бүдгэрч эхэлсэн. Бизнесийн бүлэглэл дагасан Мүднякууд ерөнхийдөө “ялсан тал нь манайх” гэдэг тоглолт хийж эхэлснээр анх АН-ыг байгуулахдаа нэгдэж байсан үзэл бодлын бүлэглэлүүд нь мөнгөний, хонгилын гэх мэтээр задарч эхэлсэн байдаг юм. Эцэст нь энэ нам хоёр байтугай хуваагдаад өнөөдөртэй золгож байна. Үзэл бодлоороо нэгддэг байсан үе нь ул болж, хүн дагадаг болоод удаж байгаа гэсэн үг. Харин өчигдөр Ерөнхийлөгч асан Ц.Элбэгдоржийн хэлснээр буйдхан “Брюсель”-д АН-ын төлөөллүүд уулзсанаа патиар татуулан баталгаажуулжээ. Үнэхээр энэ уулзалт Ерөнхийлөгч асан Ц.Элбэгдоржийн хэлсэнчлэн “Эвлэрлийн уулзалт” байж чадах уу? Эсвэл АН-ын хувааж тоглосон эзэн нь ил гарав уу? гэдэг нь нэг их удахгүй ил болох биз ээ. Тагнуулын ерөнхий газрын дарга Б.Хурцын урилгаар Шангриллагийн “Брюсель”-ийг зорьсон АН-ынхны “Зургийг уншъя”. Энд ирсэн 39 хүний ихэнх нь Эрдэнээгийн АН-ынхан хэмээгдсэн АН-ынхан байгаа нь анхнаасаа л Эрдэнээгийн АН нь Элбэгдоржийнх байжээ гэсэн хардлага төрүүлж байгаа.

Да.Ганболд-МҮДН

Р.Эрдэнэбүрэн-Эрдэнээгийн АН

Ц.Энхтүвшин-Ц.Элбэгдоржийн хүрээлэл

Ч.Отгочулуу- Ц.Элбэгдоржийн хүрээлэл

Н.Ариунсан- Ц.Элбэгдоржийн хүрээлэл

О.Чулуунбилэг-Эрдэнээгийн АН

Д.Пүрэвдорж- Ц.Элбэгдоржийн хүрээлэл

Б.Ган-Очир-Женкогийн АН

Т.Батцогт-Женкогийн АН

Д.Зоригт-МҮДН

Х.Тэмүүжин-Ц.Элбэгдоржийн хүрээлэл

С.Баярцогт-Ц.Элбэгдоржийн хүрээлэл

Э.Бат-Үүл-Эрдэнээгийн АН

О.Алтангэрэл-Женкогийн АН

Д.Эрдэнэбат-МҮДН

О.Батханд-Женкогийн АН буюу З.Энхболд

З.Нарантуяа- Ц.Элбэгдоржийн хүрээлэл

Ц.Одонтунгалаг-Женкогийн АН

Н.Батбаяр-МҮДН

Ц.Элбэгдорж

Д.Бадарсан-Женкогийн АН

С.Одонтуяа-Ц.Элбэгдоржийн хүрээлэл

Д.Баттулга-Эрдэнээгийн АН

Д.Бат-Эрдэнэ-МҮДН

Төмөрбаатар-Женкогийн АН буюу З.Энхболд

Д.Ганбат-Эрдэнээгийн АН

Д.Пүрэвдаваа-Женкогийн АН

Т.Баясах-Женкогийн АН

И.Мөнхжаргал-Женкогийн АН

Ганзориг-Женкогийн АН буюу З.Энхболд

Ч.Өнөрбаяр-Эрдэнээгийн АН

Ц.Оюундарь-Эрдэнээгийн АН

Ө.Шижир-Женкогийн АН

М.Тулгат-Эрдэнээгийн АН

Ш.Түвдэндорж-Женкогийн АН

Б.Хурц- Ц.Элбэгдоржийн хүрээлэл

Б.Баабар- Ц.Элбэгдоржийн хүрээлэл

О.Баасанхүү-Эрдэнээгийн АН