Ерөнхий сайд Л.Оюун-Эрдэнийн ивээл дор зохион байгуулж буй “Нийгмийн эрүүл мэндийн ноцтой байдлын үед сүрьеэгийн тусламж үйлчилгээнд салбар хоорондын хамтын ажиллагааг бэхжүүлэх нь” дээд хэмжээний чуулган болж байна. Энэ үеэр С.Амарсайхан мэдээлэл өглөө.

Тэрбээр “Ерөнхий сайдын ивээл дор 2018 онд анх удаа зохион байгуулагдаж байсан. Сүрьеэ өвчнөөс урьдчилан сэргийлэх, таслан зогсоох , шаардлагатай арга хэмжээ авах, оношилгоо эмчилгээг шинэ түвшинд гаргах зэрэг Монгол Улсын засгийн газраас онцгой анхаарал хандуулан ажиллаж байна. Үүний нэг нь бол өнөөдрийн арга хэмжээ юм.

Энэхүү арга хэмжээг дэлхийн эрүүл мэндийн байгууллага болон глобал сан хамтран зохион байгуулж байна. Сүрьеэ өвчин манай улсын хувьд өргөн тархалттай.

Урьдчилсан сэргийлэх боломжтой хэдий ч цар тахлыг нөхцөл байдлаас шалтгаалан оношилгоо эмчилгээний асуудал орхигдсон. Мөн шаардлагатай тусламж үйлчилгээ үзүүлэхэд хүртээмж муутай байсан ч энэ асуудлууд буурсан. Энэ өвчнийг нуун дарагдуулахгүй байснаар эмчлүүлэх, эдгэх боломжтой юм. Үүнтэй холбоотой олон асуудлыг олон улсын түвшинд гаргаж тавих, иргэдэд хүргэх мэдээ мэдээллээс эхлээд бүх эмчилгээ оношилгоог шинэ түвшинд гаргах нь Манай засгийн газрын зорилго. Энэ зорилгод хүрэхийн тулд Сүрьеэгийн эмнэлгийг шинээр барьж байна” гэв.

Д.Батчулуун