Зам тээврийн хөгжлийн сайд С.Бямбацогт төмөр замын салбарт тулгамдсан асуудал-гарц шийдлийн талаар санал солилцох нээлттэй уулзалтыг зохион байгуулж байна. Энэ үеэр хэвлэлд мэдээлэл өглөө.

Тэрбээр "Улаанбаатар төмөр зам гээд Монгол Оросын хамтарсан ганцхан төмөр замтай байсан. Сүүлийн жилүүдэд олон төмөр замтай болж байна. Олон төмөр замуудыг нэгдсэн бодлого зохион байгуулалтаар хангах шаардлага байна. Энэ хүрээнд УИХ яаралтай төмөр замын тухай хуулийг баталж, галт тэрэгний зохион байгуулалтыг шийдэх хэрэгтэй байна.

Мөн Улаанбаатар төмөр замыг тойрсон асуудлууд байна. Яах аргагүй давамгай эрхтэй аж ахуйн нэгж. Улаанбаатар төмөр замд 2022 онд ачаа тээвэрлүүлэх хүсэлт 71 сая тонн ирсэн. Харин ачаа тээвэрлэх хүчин чадал 14 тонн. Улаанбаатар төмөр замын хүчин чадлаас тав дахин ачаа ачуулах хүсэлт ирдэг. Үүнээс шалтгаалан авлигал, шан харамж, асуудал гардаг.

Би сайдаар томилогдсоныхоо маргааш Улаанбаатар төмөр замд ажиллаж, үүрэг чиглэл өгсөн. Үүний хүрээнд нээлттэй сонсгол хийж байна. Замын-Үүд дээрх чингэлэг ачаа зургаа дахин буурсан. Одоогоор 200 гаруй чингэлэг хүлээгдэж байна. Улаанбаатарт хоосон чингэлэг их байсан. Хоосон чингэлгийг гурав дахин бууруулсан. Энэ мэтчилэн тодорхой хэмжээнд үүрэг өгөөд ажилбал үр дүн гарч байгааг харж болно.

Улаанбаатараас Эрээн ороход нэг вагон буюу 3000 тонн ачаа 70 сая төгрөг. Энэ бол харьцангуй баг тариф.

Улаанбаатар төмөр зам энэ дүнгээрээ тээвэрлэнэ. Харин өөр бусад төмөр зам 100,200 сая төгрөгөөр ачаа тээвэрлэж байна" гэв. 

Д.Батчулуун