УИХ-ын чуулганы хуралдаан эхэллээ. Хуралдаанаар Монгол Улсын нэгдсэн төсвийн 2023 оны төсвийн хүрээний мэдэгдэл, 2024-2025 оны төсвийн төсөөллийн тухай хуульд өөрчлөлт оруулах тухай хуулийн төслийн  талаар хэлэлцэж байна. Энэ үеэр УИХ-ын гишүүн Ц.Даваасүрэн асуулт асууж, үг хэллээ.

Тэрбээр "Сүүлийн үед тоог өөрчилж болдог хавтгайрсан байдал явдаг болчхоод байгаа. Үүнд ач холбогдол өгөхөө больчхоод байгаа юм.

Өнөөдрийн байдлаар зээл авах хүндрэлтэй. 20,30 хувийн хүүтэй бондын асуудал ярьж болохгүй. Ийм үнэтэй мөнгө олдоно. Олдлоо ч эргээд зээлээ төлж чадахгүйд хүрнэ.

Хоёрдугаарт, авч буй зээл нь хаачсан бэ. Улс төрчид нь авчихсан зээлүүд шүү дээ. Сангийн сайд гэсэн нөхдүүдтэй холбоотой байж болохуйц компаниуд байгаа. Дархан минж, Мондулаан тред, Ган хүдэр орд зэрэг бий. Ийм сангийн сайдтай байвал энэ улс яаж хөгжих юм бэ. Улсаар баталгаа гаргуулах гээд сууж байна. Ингээд баталчхаж болохгүй.

Хөгжлийн банкийг дээрэмдсэн нэг баг бүхий хэдэн нөхдүүд байгаа. н.Баярмагнай, н.Батхүү, н.Батбаяр гээд зохион байгуулалттайгаар ингэж болдог юм уу. Үүнийг шалгасан юм уу. Улсаар төлүүлнэ гэдэг зүйлээ хэлэлцүүлгийн үед авч хая. Төсвийн хүрээний мэдэгдэлд байгаа өндөр хувиа бууруул. Одоо олдож байгаа зээл 30 хувиас доош олдохгүй шүү” гэв.

Д.Батчулуун