УИХ-ын чуулганы нэгдсэн хуралдаан үргэлжилж байна. Хуралдаанаар Монгол Улсын нэгдсэн төсвийн 2023 оны төсвийн хүрээний мэдэгдэл, 2024-2025 оны төсвийн төсөөллийн тухай хуульд өөрчлөлт оруулах тухай хуулийн төслийн  талаар хэлэлцэж байна.Энэ үеэр УИХ-ын гишүүн Г.Ганболд үг хэлж, асуулт асуулаа.

Тэрбээр "Төсвийн хүрээний мэдэгдэлтэй орж ирж байгаа төслийг бүх тоогоор нь харьцуулбал бүх үзүүлэлт нь нэмэгдсэн байна. Харамсалтай нь, төсвийн урсгал зардлаа 2.5 их наяд төгрөгөөр нэмэгдүүлж байна. Сайд нарын багц дээр тавиад урсгал зардлаа нэмэгдүүлчихсэн байна. Ард иргэд бүгдээрээ өр зээлтэй. Өөрсдийнхөө өр зээлээс илүү Засгийн газрын өрөнд санаа зовж байна.

Шри-Ланкын араас орчих вий гэж айж байна. Гэтэл бид өрийн таазаа нэмэгдүүлнэ гээд төсөөлөөд сууж байна. Гадаад өрийг дарах, тэглэхийн тулд аль ч Засгийн газар ажиллах ёстой. Хүү багатай, урт хугацаатай юм гээд гадаадын зээл аваад л байна.

"Чингис хаан" нисэх буудлыг олон 750 сая ам.доллараар бариулсан. Гэтэл зарим оронд ижилхэн нисэх буудлыг 250 сая ам.доллараар барьсан байна. Энэ нь олон улсын жишгээс дөрөв дахин өндөр өртөгтэй бариулсан.

Дөрвөн аймагт махны үйлдвэр барина гээд Хятадаас зээл авна гэсэн. Хоногт 1000 мал бог махлах үйлдвэр барихад зах зээлийн ханшаар 10 орчим тэрбумаар төгрөгөөр барьж байхад Хятадын зээлээр 60 тэрбум төгрөгөөр барина гээд сууж байна. Зээл авахдаа бид өөрсдөө удирддаг байхгүй бол гадаад орон удирдаад байна" гэв. 

Д.Батчулуун