УИХ-ын чуулганы хуралдаан үргэлжилж байна. Хуралдааны үеэр УИХ-ын гишүүн Х.Булгантуяа хүүхдийн мөнгөний талаар мэдээлэл өглөө. 

Тэрбээр "Хүүхдийн мөнгийг зарим улс орнуудад янз бүрээр өгдөг. Тухайлбал, сургуульд хүүхдээ явуулж л байвал хүүхдийн мөнгийг өгдөг. Зарим улсад олон хүүхэдтэй ээжүүдэд хүүхдийн мөнгийг нэмж өгдөг. УИХ-ын төсвийн байнгын хороонд ажлын хэсэг гарч байгаа. Ажлын хэсэгт дэд ажлын хэсэг гараад хүүхдийн мөнгөний олголт, хяналт, зарцуулалттай холбоотойгоор дүгнэлт гаргаж, байнгын хороогоор танилцуулах юм байна гэж ойлгосон.

Энэ бол улсын мөнгө биш. Татвар төлөгчдийн мөнгө.

600,700 мянган төгрөгийн цалин авч байгаа иргэн та хүүхдийн мөнгөнд хувь нэмэр оруулаад, Зайсанд таван өрөө байранд амьдарч байгаа хүнд хүүхдийн мөнгө өгөхийг хүлээн зөвшөөрч байна уу. Ийм л асуудал ярьж байгаа. Хүүхдийн мөнгийг ковидын үед нэмэхээс өөр аргагүй байсан. Энэ бол зөв зүйтэй бодлого байсан. Хүнсний талонийг хянаж чадахгүй байж хүүхдийн мөнгийг хянана гэдэг бол амаргүй. . Хүүхдийн мөнгийг аль ангилалд оруулах вэ гэдгийг тодорхойлох хэрэгтэй. Байгалийн баялгийн хувиарлалт юм уу, халамжийн бодлого юм уу” гэв.

Д.Батчулуун