УИХ-ын чуулганы хуралдаан үргэлжилж байна. Хуралдаанаа Мэргэжлийн болон техникийн боловсрол, сургалтын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийг хэлэлцэх эсэхийг хэлэлцэж байна. Энэ үеэр УИХ-ын гишүүн Л.Энх-Амгалан гишүүдийн асуултад хариуллаа. 

Тэрбээр "Монгол Улсад байгаа ажилгүйдлийн түвшинг суурь судалгаанд үндэслэж бодлого боловсруулах шаардлагатай. Нэг талдаа 110 мянган хүн ажилгүй хэрнээ, нөгөө талдаа ажиллах хүн олддоггүй. Тиймээс тогтолцооны алдааг засах шаардлагатай. 110 мянган хүний дотор дээд сургууль төгссөн хэрнээ ажиллах сонирхолгүй залуус их байна. Нийт 29 мянган бакалаврын боловсролтой хүн өнөөдөр ажилгүй байна.

Харин МСҮТ төгссөн 258 мянган хүн ажилгүй байна. Тиймээс өнөөдөр хэлэлцэж байгаа хуулиар засч залруулах нь зүйтэй гэж харж байна.

Өнөөдрийн байдлаар Монгол Улсад 76 мэргэжлийн боловсрол сургалт үйлчилгээний байгууллага үйл ажиллагаа явуулж байгаагаас төрийн өмчийн мэргэжил сургалт үйлдвэрлэлийн төв 16, төрийн өмчийн политехникийн коллеж 23,  их, дээд сургуулийн дэргэдэх дөрөв, хувийн өмчийн мэргэжил сургалт үйлдвэрлэлийн төв 28, төрийн өмчийн политехникийн коллеж найм ажиллаж байна. Энэ хичээлийн жилд 45 мянга 304 суралцагч суралцаж байгаа" гэв.

Д. Батчулуун