Засгийн газрын хуралдаанаас гарсан шийдвэрийг танилцуулж байна. Энэ үеэр Хууль зүй, дотоод хэргийн сайд Х.Нямбаатар мэдээлэл өглөө.

Тэрбээр "Ажлын хэсгийн гүйцэтгэх ажлын төлөвлөгөөг гарган ажиллаж байна. Дараах дөрвөн чиглэлээр төлөвлөгөө гаргасан. Нэгдүгээрт, Хууль эрх зүйн орчинг боловсронгуй болгох чиглэлээр ажлын хэсгээг тодорхой ажлуудыг зохион байгуулж байна. Хууль зүй, дотоод хэргийн дэд сайд Солонгоор ахлуулсан ажлын хэсэг хөрөнгө оруулалтын тухай хуулийн шинэчилсэн найруулгын төслийн ажил дуусаж байна. Монгол Улсад 20 орчим мянган гадаадын хөрөнгө оруулалттай аж ахй нэгж үйл ажиллагаа явуулж байна. Аж ахуй нэгжүүдийн төлөөлөл, элчин сайдын яамдууд төлөөлөл, худалдаа аж үйлдвэрийн танхим, гадны төлөөллүүдтэй томоохон уулзалт зохион байгуулсан. Тэндээс олон саналууд хүлээж авсан. Тулгамдаж буй олон асуудлыг тавьсан.

Хоёрдугаар том асуудал бол гадаадын хөрөнгө оруулагчдын хамтран хувьцаа эзэмшиж байсан хүмүүс нь тонон дээрэмдэх ийм ажиллагаа хийгдсэн. Энэ чиглэлээр Улсын ерөнхий прокурор болон мөрдөн шалгах чиг үүрэгтэй байгууллагуудтай аравдугаар сарын 28-ны өдөр ажлын хэсгийн санал дүгнэлтүүдийг гардуулахаар бэлдэж байна.

2012-2022 оны хооронд гадаадын хөрөнгө оруулагчид хэрхэн хохирсон, хэрхэн хэрэг нь хаагдан зэргийг олон нийтэд нээлттэй мэдээлээхээр ажиллаж байна. Үүнд олон зүйл гарч ирнэ. Тагнуулын ерөнхий газрын даргаар, Прокурорын ерөнхий газрын даргаар, Үндэсний аюулгүй байдлын зөвлөлийн нарийн бичгийдаргаар ажиллаж байсан хүмүүстэй холбогдох мэдээллийг танилцуулахаар ажиллаж байна" гэв. 

Д.Батчулуун