Засгийн газрын хуралдаанаас гарсан шийдвэрийг танилцуулж байна. Энэ үеэр Сангийн сайд Б.Жавхлан мэдээлэл өглөө.

Тэрбээр “Анх 2017 онд УИХ-ын 23-дугаар тогтоол гараад Эрдэнэт үйлдвэр ХХК, Монорос ...ХХК компанийн 49 хувийн хувьцааг худалдан авсан. Үүнтэй холбоотой үүнийг хэлцэл хийх замаар буцаан улсын өмч болгох үүргийг Засгийн газарт өгсөн байдаг. Засгийн газар үүрэг аваад эхний ээлжинд нэр бүхий иргэдээс УИХ-ын тогтоолыг үндсэн хуулийн цэцэд өгсөн байдаг.

Үндсэн хуулийн цэц дүгнэлтээ гаргаад УИХ-ын тогтоол хууль зөрчсөн зүйл алга байна. Харин 49 хувийг буцаан төлөх хэрэгтэй” гэдэг дүгнэлтийг хэлсэн. Ийнхүү дөрвөн удаа хэлцэл хийх гэсэн боловч хэлцэл хийх үр дүнд хүрээгүй.

Нөгөө талаас маргаан үүсэж, дээд шатны шүүх хүртэл явсан. Харамсалтай нь, хэлцэл хийгээгүй гэх үндэслэлээр Засгийн газар ялагдаж байсан. Шинээр ажиллаж эхэлсэн сангийн сайд миний бие энэ хэрэгт үргэлжүүлэн ажилласан. Нөгөө талд хэлцэл хийх бэлтгэлээ хангасны үндсэн дээр өнгөрсөн арванхоёрдугаар сард уулзалт хийсэн.

Хоёр удаагийн хэлцэл амжилттай хийгдсэн. Нийт 647 тэрбум төгрөгийн гүйлгээ хийгдсэн. Өөрөөр хэлбэл, энэ хэмжээгээр Засгийн газар 49 хувийн өр төлбөрийг барагдууллаа гэсэн үг. Эрдэнэт үйлдвэр 100 хувь ард түмнийх. Хэлцэл цаашаа үргэлжилж байгаа. Хэлцэл амаргүй байдалд үргэлжилсэн" гэв. 

Д.Батчулуун