Сангийн сайд Б.Жавхлан мэдээлэл өглөө. Тэрбээр "Ц.Даваасүрэн гишүүн тухайн үед бондын зөвлөлийн гишүүн байсан. Зээлүүд бондын зөвлөлөөр орж гарч байсан. Тиймээс зөвлөлийн гишүүд өөрсдөө маш сайн мэдээлэлтэй байх ёстой.

“Ган хүдэр” компани мөн л Дарханы хүдрийн баяжмал хийдэг үйлдвэрийн нэг. Хөгжлийн банкнаас авсан юм байна. Дарханд анхан шатны боловсруулалт хийж байгаа таван үйлдвэр байна. Миний оролцоо гэж юу байх вэ. Сайдын хувиар, гишүүний хувиар ч оролцсон зүйл байхгүй. Өнгөрсөн дөрвөн жилийн хугацаанд болсон зүйлс байна лээ. Мөн Лхамсүрэнгийн Мон дулаан компанитай холбосон байна лээ.   Ямар холбоо байх вэ дээ. Хэн ч шалгасан би шалгуулахад бэлэн байна. Нээлттэй асуудал.

900 тэрбум гэж дайруулна дайруулна гэхэд баримжаатай дайруулах хэрэгтэй. 900 тэрбум төгрөг гэдэг дүнгээ санхүүгийн мэргэжилтэй хүн мэдэж байгаа байх гэж бодож байна. Мэдэж будилж байх шиг байгаа юм.

Тэр бичил санхүү гэдэг бол төслийн бүтэц шүү дээ. Монгол банкны эх үүсвэр биш. Тухайн үед нийт эргэлтийн хөрөнгө нь 10 тэрбум төгрөг байсан байна. Тэгэхээр тэндээс яаж 900 сая төгрөгийн зээл гарах юм бэ. Нэг зээлдэгчид 500 сая төгрөгийн зээл өгдөг байсан юм байна. Жет финанс гэдэгтэй манай дүү оролцоотой байсан нь үнэн. Гэвч би болиулсан. Зээлийн түүх нь бол 2012 онд 260 сая төгрөг, 2014 онд 260 сая төгрөг, 2015 онд 400 сая төгрөгийн зээлүүд аваад тухайн үед буцаагаад төлж байсан. Яагаад 900 тэрбум төгрөг гэснийг би ойлгохгүй байгаа юм.

2016 онд УИХ-д нэр дэвшитлээ 20 жил банк санхүүгийн салбарт өөрийн мэргэжлээр тогтвортой ажилласан. 30-40 жилийн хугацаанд энэ системд ажиллаж байгаа олон хүнийг танина. Олон ч найз нөхөд бий. Тэр болгонтой холбоод байвал дуусахгүй. Хардаж сэрдэх зүйл байгаа бол шалгах хэрэгтэй.

Хөгжлийн банкны асуудалд манай Засгийн газар үр дүнтэй ажиллаж байгаа.Манай Засгийн газар авахад энэ банк дампуурчихсан байсан. Одоо яамартай ч Самурай бондоо төлөх чадвартай болсон" гэв. 

Д.Батчулуун