УИХ-ын чуулганаар ХНХ-ын сайдын томилгоог хэлэлцэж байна. Сайдад нэр дэвшигчийн танилцуулгыг Ерөнхий сайд Л.Оюун-Эрдэнэ танилцууллаа. Энэ үеэр УИХ-ын гишүүн Н.Учрал үг хэллээ.

Тэрбээр "Т.Аюурсайхан гишүүнийг энэ салбарыг удирдаад явах чадвартай хүн гэж дэмжиж байна. Олон хууль тогтоомжийг ахалж баталж байсан туршлагатай.

Нийгмийн даатгалын тухай хуулийн шинэчилсэн найруулгын төсөл удаан хугацаанд хүлээгдэж байна. Хууль батлагдаагүй учраас гүйцэтгэх засаглал ажлаа хийхэд бэрхшээл тулгарч байна. Энэ хуулийг батлуулахаас ажлаа хийгээсэй.

Нийгмийн даатгалын багц хууль болоод тэтгэврийн шинэчлэлийг хэрэгжүүлэх ажлын хэсгийн хүрээнд хувийн нэмэлт тэтгэврийн хуулийг өргөн бариад гурван жил боллоо. Тиймээс хуулиас ажлаа эхлүүлээсэй. Тэтгэврийн тогтолцоо цаашаа гарах гарцгүй болсон. Шинэчлэл хийхийг салбар хүлээлттэйгээр харж байна" гэв. 

Д.Батчулуун