УИХ-ын чуулганы хуралдаан эхэллээ. Хуралдаанаар “Төрөөс мөнгөний бодлогын талаар 2023 онд баримтлах үндсэн чиглэл батлах тухай” Улсын Их Хурлын тогтоолын төсөл /Монголбанкнаас 2022.09.27-ны өдөр ирүүлсэн, анхны хэлэлцүүлэг/-ийг хийж байна. Энэ үеэр УИХ-ын гишүүн, шадар сайд С.Амарсайхан асуулт асууж, үг хэллээ. 

Тэрбээр "Монголбанкны Ерөнхийлөгч бол мөнгөн тэмдэгт дээр гарын үсэг зурдаг Дэлхийн цөөхөн улсуудын эрхийг эдэлдэг. Гарын үсэг зурдаг үндэсний мөнгөн тэмдэгтийнхээ чанар, үнэлэмжийг яагаад хадгалж чадахгүй байна вэ гэдэг асуудал хамгийн түрүүнд тавигдах ёстой. 

Монгол төгрөгийн ханш жил өдрөөр, цаг минутаар суларч байгаа. Хамгийн сүүлд өнөөдрийн байдлаар 18 хувь суларсан. Төгрөгийн тэнцлийн урсгал ба хөрөнгийн дансны алдагдал энэ хугацаанд 100 гаруй хувиар суларсан.

Мөнгөний бодлого гээд орж ирж байна. Энэ бодлого өмнөх бодлогуудтай харьцуулах юм бол чамбай гүйцэтгэсэн мөнгөний бодлог байна хэмээн үзэж байна. Монгол Улсын эдийн засгийн чадавхид төлбөрийн тэнцлийн алдагдал асар их сөргөөр нөлөөлж байгаа. Олон жил үргэлжилсэн төлбөрийн тэнцлийн алдагдал, дайн тулаан, хил гааль, бараа бүтээгдэхүүний тээвэрлэлт гээд түүнээс үүдсэн ханшийн өсөлтүүд явж байгаа юм.

Эзэнгүй явж ирсэн төлбөрийн тэнцлийн алдагдлыг хэн хариуцаж, хэзээ эзэнтэй болох вэ.

Хоёрдугаарт, Төгрөгийн ханш, инфляц ярихаар Америкийн ханш яриад байдагаа болимоор байна. Энэ асуудлаа газар дээр бууж, амьдралтай дүгнэж шийдвэрлэвэл яасан юм бэ" гэв. 

Д.Батчулуун