Оросын Якут (Саха) улсад болсон олон улсын яруу найргийн наадамд оролцсон Монголын төлөөлөгчид болох Г.Аюурзана, Дарь.Сүхбаатар нар тус улсын Хангалас улус хэмээх аймагт зочилжээ.
   Хангалас улусын засаг захиргааны хэвлэлийн албан мэдээнд дурдсанаар Монголын зохиолчдод Лена мөрний байгаль, техникийн лицейн тоноглол, нутгийн олны сэтгэл гурав ихэд таалагджээ. Октемцы тосгоны ТМС-ийн орчин үеийн тоноглол Монголынхыг дагуулахааргүй юм гэж Г.Аюурзана, Дарь.Сүхбаатар нар үнэлсэн байна.
   Покровск хотод болсон уулзалтын үеэр якутууд Монголын тухай асуултаар манай хоёр найрагчийг булжээ. Монголын зохиолчдын эвлэлийн Удирдах зөвлөлийн гишүүн Дарь.Сүхбаатар сэтгэлээ барилгүй төрсөн голынхоо болон эхийн тухай монгол дуугаар ая барьсан тухай мэдээнд мөн дурдсан байна.