С.Баярцогт Швейцарийн прокуророос хэргийг нь цагаатгасан талаар мэдээлэл хийж, шалгагдаад хаагдсан хэргүүдээ Нийслэлийн прокурорт хүлээлгэн өгч байна.

Энэ үеэр тэрбээр "Энэ хэргийг зургаан жилийн хугацаанд Монгол Улсад шалгасан. Мөн Монгол Улстай, Хонг Конг, Австралийн хууль хүчний байгууллагуудтай хамтран шалгасан юм байна лээ. 2022 оны зургаадугаар сарын 13-нд хэргийг тулгаж үүсгэсэн. Албан тушаалаа урвуулан ашигласан, 2022 мөнгө угаасан хэргүүдийг хэрэгсэхгүй болгосон. Яг үүнтэй ижил нэг материал дээр үүсгэсэн байсан авлига авсан, мөнгө угаасан гэх хэргийг хэрэгсэхгүйг болгосон гэх тогтоолыг Швейцар дах өмгөөлөгчөөр дамжуулаад 2022 оны наймдугаар сарын 24-нд надад ирүүлсэн. Би хаагдсан хэргийнхээ материал дээр нэмж хүргүүлье гэж бодож байсан. Гэтэл сүүлийн үед зохион байгуулалттайгаар энэ хэргийн талаар мэдээллүүд маш их гарч эхэлсэн.

Тиймээс хэвлэл мэдээллийнхний оролцоотойгоор Нийслэлийн Ерөнхий прокурорын газрын тамгын газарт гардуулж өгч байна. Герман хэл дээр тогтоол байгаа. Үүнийг албан ёсны орчуулгын холбоогоор дамжуулан орчуулсан оруулгын хамт өгч байна.

2016 онд хэрэг үүсгэхдээ эхлээд Оюутолгойн гэрээг өөрт ашигтайгаар хийсэн, мөнгө угаасан байж магадгүй, албан тушаал урвуулан ашигласан байж болзошгүй зэрэг хэргүүдийг үе шаттайгаар тавьсан. 2018 онд тодорхой хугацаанд хорисон. Дээд шүүх хүртэлх шүүхээр орсон. Тухайн үед дахин мөрдөн байцаалт руу буцаагдсан. Тухайн үед шүүх нотолж чадахгүй бол цагаатгадаг хууль байгаагүй учраас нэмэлт мөрдөн байцаалт хийгдсэн. Ингээд энэ хэргийг хэргэсэхгүй болгосон.

Яг үүнтэй адилхан Швейцарын холбооны улс 2016 онд энэ хэргийг үүсгэсэн. Үүнтэй холбогдуулан Монголын хоёр гурван албан тушаалтныг Швейцарт аваачиж мөрдөн байцаалт авсан. Ийм өргөн хүрээтэй тухайн хэргийг шалгасан. Зургаан жил болсон. Зургаан жилийн хугацаанд 500 гаруй хоног шоронд суусан. Монголын улстөрчдийн дотроос ийм олон хүчний байгууллагаар шалгагдсан улстөрч ховор байгаа байх гэж бодож байна. Манайхан өөрсдөдөө итгэдэггүй.

Швейцарын холбооны улс бол эрх зүйт төртэй. Хууль дээдэлдэг улс гэдгийг бүгд мэднэ. Дэлхийд тэргүүлдэг улсууд. Ийм улсуудын мөрдөн шалгах ажиллагааны явцад гэм буруугүй гэдэг нь тогтоогдож, цагаатгагдсандаа баяртай байна.

Мөн Монголын хууль хүчний байгууллага "хүн биш хууль засагладаг" гэдгийг харуулж чадсан шийдвэр гаргасанд баяртай байна" гэв. 

Д.Батчулуун